in

Teatro Antroido leva este domingo o seu traballo ‘Rosalías’ a Ponteareas

Rosalias |

Rosalías chega ao concello de Ponteareas para conmemorar o nacemento de Rosalía de Castro. A compañía Teatro Antroido estará este domingo, 25 de febreiro ás 19h00, no Auditorio Reberiano Soutullo de Ponteareas.

Rosalías é un acto poético, didáctico e divertido co que Teatro Antroido pretende ofrecerlle ao gran público as facetas menos coñecidas desa grande muller que foi Rosalía de Castro.

Partindo dunha idea de Agasallo de sombras (o espectáculo -escrito e dirixido por Roberto Vidal Bolaño e estreado polo Centro Dramático Galego hai 30 anos- que acabou por dinamitar a imaxe marmórea e santificada que a sociedade galega tiña da súa escritora máis importante) Rosalías achegará unha manchea de textos de e sobre Rosalia de Castro para contribuír a espallar unha imaxe renovada na que a padronesa xa non é esa muller sensibleira e romanticona, senón unha intelectual feminista comprometida coa análise da sociedade do seu tempo.

Publicidade

Mediante a técnica do Teatro Documento e sen renunciar a forza visual propia de todo espectáculo escénico, Teatro Antroido percorre a vida e a obra de Rosalía a través dos seus momentos máis significativos, nunha narración (escenificada por Roi Vidal e Laura Ponte) chea de poesía, pensamento, música, símbolos, humor e aire fresco.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

Foto 8 |

María Bouzas recibirá o Premio de Honra Fernando Rey

MIGUELSANDE2 |

Miguel Sande gaña o I Certame de Nova Dramaturxia Galega Actual