Carlos Blanco recibe o Premio Rebulir na categoría de Artes Escénicas

Carlos Blanco vén de recibir o Premio Rebulir da Cultura Galega na categoría de Artes Escénicas. O xurado, reunido onte, decidiu por unanimidade outorgar o galardón ao actor de Vilagarcía.

Os Premios Rebulir de Cultura Galega están organizados pola asociación cultural que leva o mesmo nome en colaboración coa Xunta de Galicia, a Deputación de Ourense e o Concello de Ramirás. Dito galardón nace no ano 2012 como un recoñecemento a persoas/colectivos que contribúan á difusión e posta en valor da cultura galega nas súas diferentes manifestacións. Un dos aspectos que defende este premio é a proxección do nome de Galicia alén das súas fronteiras, facendo fincapé no establecemento de vínculos interculturais e de raíz.

Ademais de Carlos Blanco, Guadi Galego recibiu o Premio na categoría de Música Galega e a Romaría Etnográfica Raigame, o Premio Homenaxe.

A entrega dos premios faise no marco da Gala central do FIR (Festival Internacional Rebulir). Na presente edición esta celebración terá lugar o Sábado 16 de Decembro no Polideportivo de O Picouto (Ramirás).

Deixar unha resposta