Circo na rúa en Lalín

O programa municipal Circo na rúa volve a Lalín esta próxima fin de semana con tres funcións.

O sábado 11 de agosto, na Praza dá Igrexa, ás 19:30 horas, terá lugar o primeiro espectáculo, Rastafarudi, de Rudi Dudi. O clown –belga, mais universal– crea un espectáculo xurdido da maxia e da forza que veñen do máis fondo, directamente do corazón. En Rastafarudi, preséntasenos un antigo ritual para que a xente se deite todas as noites coa esperanza no mundo intacta. Ao parecer, María Callas e Elvis, Bob Marley e Michael Jackson, tamén Madonna e Lady Gaga mantiveron vivo este ritual. Pero só Rudi Dudi atrévese a llo ensinar ao mundo.

O domingo haberá dous shows: o primeiro será ás 13:00 horas no Quilómetro 0: Circo Chosco presentará Riscando ou Ceo, un espectáculo onde o circo aparece  en forma de humor, maxia, risco, malabar, acrobacias, e equilibrios imposibles. Un ton absurdo e reflexivo que fai que nos reformulemos o esencial das cousas. Inspirado no incrible mundo d’O  PrincipiñoRiscando o ceo é un espectáculo próximo e moi visual que fai que o público viaxe no risco e no humor.

Pola tarde, ás 19:30 horas será a quenda de Kanbahiota con La Coquette, diante da estatua de Loriga. Trátase dun espectáculo de aéreos con Rossina Castelli e Abraham Pavón como protagonistas, que achegan unha nova proposta de acrobacias aéreas con impresionantes rutinas de trapecio, escada e verticais. Todo isto sen esquecer o humor e o clown, que acompañan a espectacularidade dos números da troupe de Kanbahiota. Un espectáculo de acrobacias aéreas para toda a familia realmente orixinal e novidoso; cunha coidada estética na posta en escena, Kanbahiota volven anovar o panorama dos aéreos en España despois do seu traballo en Francia e Bélxica na creación dos números de La Coquette.

Deixar unha resposta