A segunda edición do festival de danza contemporánea de Trás-os-Montes, organizada polos teatros de Vila Real e de Bragança co apoio do Norte 2020, celebrarase do 8 ao 29 de setembro.
Logo do seu debut en 2017, cun bo promedio de espectadores por sesión, Algures a Nordeste presenta un programa ecléctico e atrevido no campo da danza portuguesa contemporánea.
Victor Hugo Pontes, Paulo Ribeiro, Olga Roriz, Cláudia Martins / Rafael Carriço, Bruno Duarte e Daniel Cardoso son os coreógrafos invitados desta edición.
O diálogo con outros coreógrafos, autores, xéneros artísticos ou temas humanos é un dos aspectos que merecen ser mencionados neste programa. Paulo Ribeiro honra a Jiří Kylián, coreógrafo checo e un dos nomes fundadores da danza contemporánea. Olga Roriz evoca o mundo do cineasta Ingmar Bergman, con motivo do centenario do seu nacemento, nunha creación coproducida polo festival. Victor Hugo Pontes parte de A Gaivota, de Chékhov, para construír un espectáculo conmovedor e dunha beleza arrebatadora. O Quorum Ballet usa o fado e a guitarra portuguesa en vivo para falar de ‘saudade’ á moda lusitana. A Compañía de Danza de Almada trata doutro sentimento, o medo, universal e esencial. Vortice Dance Company sonda o universo e o futuro en compañía de astronautas, nun espectáculo cunha forte compoñente multimedia (video interactivo, mapeado de escenarios).
O programa de Algures a Nordeste queda como segue:
Sábado 8
21:30 Walking with Kylian, da Companhia Paulo Ribeiro, no Teatro Municipal de Bragança.
21:30 Se Alguma Vez Precisares da Minha Vida, Vem e Toma-a, de Victor Hugo Pontes, no Teatro de Vila Real.
Mércores 12
21:30 A meio da noite, da Companhia de Olga Roriz, no Teatro de Vila Real.
Venres 14
21:30 Se Alguma Vez Precisares da Minha Vida, Vem e Toma-a, deVictor Hugo Pontes, no Teatro Municipal de Bragança.
Sábado 15
21:30 Walking with Kylian, da Companhia Paulo Ribeiro, no Teatro de Vila Real.
Mércores 19
21:30 A meio da noite, da Companhia de Olga Roriz, no Teatro Municipal de Bragança.
21: 30 Home 2.0, da Vortice Dance Company, no Teatro de Vila Real.
Venres 21
21: 30 Home 2.0, da Vortice Dance Company, no Teatro Municipal de Bragança.
Mércores 27
15:00 Fobos, da Companhia de Dança de Almada, no Teatro Municipal de Bragança.
Xoves 27
21: 30 Saudade, de Quorum Ballet,no Teatro de Vila Real.
Sábado 29
21: 30 Saudade, de Quorum Ballet,no Teatro Municipal de Bragança.
16:00 Fobos, da Companhia de Dança de Almada, no Teatro de Vila Real.
Na imaxe: Se Alguma Vez Precisares da Minha Vida, Vem e Toma-a, de Vitor Hugo Pontes. Foto: José Caldeira.
