in ,

O Río Bravo de Chévere, Premio do Público en Cariño

RioBravo031 |

Case trinta anos despois da súa estrea Río Bravo, de Chévere, segue a colleitar éxitos. A Mostra de Teatro Galego de Cariño, que celebrou este ano a súa cuadraséxima edición, vén de facer público que a súa última encarnación, Rio Bravo 3.1, foi a gañadora do Premio do Público da Mostra.

Rio Bravo estreouse en 1990 no Teatro Principal de Compostela. Foi o cuarto espectáculo de Chévere. Unha condensación magnífica dese espírito rebelde e desa actitude gamberra e irreverente coas que a compañía se presentara en sociedade con pezas como Servizo Discrecional (1987), O Mal Non Acouga (1988) e Salomé (1989). Río Bravo superou todas as expectativas, chegando a públicos de todas as idades, de aldeas, vilas e cidades, de Galicia, do resto da Península e mesmo de Brasil. En tres anos acadou as 180 funcións e os 25.000 espectadores. Un fenómeno teatral que se repetiu en 2002, cando se fixo un remake para celebrar o 15 aniversario de Chévere, que foi estreado na Sala Nasa cun equipo renovado. O ano pasado, Chévere volveu recuperar a obra para conmemorar o trinta aniversario da compañía.

Río Bravo foi, ademais, a obra que abriu a colección de teatro da editorial Kalandraka –onde se están a publicar varios títulos de Chévere– e que recibiu o Premio Gala do Libro Galego na categoría de Teatro, este mesmo ano.

Publicidade

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

commedia025 |

‘Commedia’ volve a Compostela 25 anos despois

Microefectos |

Volven os ‘Microefectos Dramatúrxicos’ ao Clavicémbalo de Lugo