Mala Voadora presenta un díptico no CCVF de Guimarães

Unha das mais recoñecidas compañías portuguesas representa o díptico formado por Moçambique e Amazónia, no Grande Auditório| do Centro Cultural Vila Flor. Foto: Jose Carlos Duarte |

 

Nesta última semana do mes, o Centro Cultural Vila Flor de Guimarãespresenta un díptico de pezas dunha das mais afirmadas compañías portuguesas, Mala Voadora: Moçambique e Amazónia, soben ao escenario do Grande Auditório o 27 e o 29 de setembro, respectivamente.

Con Jorge Andrade ao temón, a viaxe comeza o 27 de setembro con Moçambique, obra premiada pola Sociedade Portuguesa de Autores en 2017 como Mellor Espectáculo. Jorge Andrade naceu en Moçambique e veu a Portugal con 4 anos, mas en Moçambique (o espectáculo) constrúe unha biografía como se tivese ficado alí. Para tornar cribel esta historia de vida, sobreponse á Historia do país. Jorge Andrade fai parte agora da Historia de Moçambique e, a través dela, das súas vicisitudes políticas, da súa situación no contexto da Guerra Fría, dos avatares da economía internacional a que o país que acababa de acadar a independencia foi suxeito.

Moçambique é un espectáculo en que seis actores son contratados para simular que son mozambicanos, discuten a Historia á medida que tentan montar a narrativa, cantan spots de publicidade de concentrado de tomate en linguas de países capitalistas e en linguas de países comunistas, e danzam para representar algunhas partes da Historia, até ficaren exhaustos.

O sábado 29, Mala Voadora presentará o segundo espectáculo, Amazónia. Secuela de Moçambique, o mesmo grupo de personaxes resolve aventurarse noutro paraíso, a selva amazónica, para gravar unha telenovela ecolóxica: “o planeta precísao, ás persoas interésalles, é ético, é urxente, vai ter audiencia”; así o xustifican. Jorge Andrade, igualmente responsábel do etxto e a dirección desta nova incursión, lévanos a proseguir viaxe para un destino afastado. Os artistas desbrozan novos camiños e procuran financiamento e as personaxes da novela tamén, porque tamén elas queren emprender: queren civilizar a Amazonía, seguir o camiño universal da civilización.

O grupo instálase na Amazonía e a acción desenvolve varios temas de actualidade como a destrución da selva, os indios, un brillante product placement que evoca marcas como Cartier ou a controvertida Monsanto (a maior produtora de pesticidas do mundo, adquirida pola marca alemá Bayer) e o propio argumento da telenovela. Entrelazar todos estes fíos condutores xera un enredo que resulta parodia: “Imos partillando co público a confusión que se xera nestes planos e pretendemos potenciar esa confusión de xeito que se cree un campo mais especulativo, que poida destruír calquera idea de narrativa e encontrar unha outra forma de ollar, alén da lóxica como a entendemos. Procuramos criar unha especie de delirio e ver cal é o noso lugar neste caos”, explica Jorge Andrade.

Deixar unha resposta