in , ,

Intensa recta final do FIOT de Carballo

enemigodelpuebloRigola |
A derradeira fin de semana do XXVII FIOT dará cabida a dúas representacións de sala, unha no espazo OTNI e dous espectáculos na sección Metro Cadrado.

 

Carballo afronta a derradeira fin de semana da 27ª edición do Festival Internacional Outono de Teatro (FIOT). O venres día 26, ás nove da noite, e dentro do ciclo OTNI, a compañía catalá Íntims Produccions representará Wasted, da dramaturga, poetisa e rapera británica Kate Tempest.

Con Wasted o público vivirá unha experiencia intensa e fascinante que conta o reencontro de tres amigos que, decepcionados polos soños incumplidos, buscan recuperar a mocidade perdida e os lazos que lles unían. A obra propicia a complicidade do público integrándoo no espectáculo. Dirixe a obra o innovador Iván Morales.

Publicidade

 

O sábado, dúas ofertas gratuítas na sección Metro Cadrado

Ao día seguinte, sábado 27 de outubro, o FIOT ofrecerá dúas representacións gratuitas dentro da sección Metro Cadrado, ambas en varios pases: á unha do mediodía, unha e media, sete e sete e media da tarde. A historia dás flores, que será estreada en Carballo pola compañía Tukumpás Teatro, é unha comedia xestual que utiliza a música e a manipulación de obxectos para narrar unha historia que paga a pena compartir. As representacións serán na Floraría Taibo.

En paralelo, a compañía Moito Morro Teatro poñerá en escena o espectáculo A bonequiña, nos soportais da rúa Jacinto Amigo Lera, onde se desenvolverá unha aloucada comedia que mostra un día na vida dun ventrílocuo arruinado.

 

Todos sometidos a El tratamiento!

O sábado 27 de outubro ás oito e media da noite, no Pazo da Cultura de Carballo, o público do FIOT gozará da estrea en Galicia de El tratamiento de Pablo Remón, autor do texto e director desta proposta.

El tratamiento dura unha hora e media e é tan necesario como eficaz, tan intelixente como belo, tan poético como realista e tan divertido como trascendente. É unha sesión intensa de teatro integral que conta a historia dun guionista que persegue o soño de escribir e producir a súa propia película, parodiando unha realidade atroz a través da industria do espectáculo.

El tratamiento é unha sorprendente proposta feita de retales de vida duns personaxes que falan ao público da importancia de aproveitar o momento, á vez que reflexionan sobre o sentido que ten seguir contando historias.

Publicidade

 

Un enemigo del pueblo, a obra máis crítica do FIOT

O domingo día 28 de outubro ás oito da tarde, o Pazo da Cultura de Carballo acollerá a obra Un enemigo del pueblo, posta en escena pola compañía El Pavón Teatro Kamikaze. Trátase dunha versión libre de Álex Rigola do clásico de Henrik Ibsen.

Rigola, que é un dos directores máis importantes e innovadores da escena española, converterá o patio de butacas do FIOT nun ágora onde o público xulgará aos personaxes e os feitos que van interpretando os actores, emitindo o seu dictame mediante votaciones que obrigan a examinar a democracia, a liberdade de expresión ou a ética fronte ao poder. Será unha experiencia única da que o público do FIOT non sairá indiferente.

Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

AndresPociña |

Presentación de ‘Tres obras teatrais’ de Andrés Pociña

Latristezadelosogros |

La tristeza de los ogros