Premio ao Mellor Espectáculo Infantil na 10ª Feira de Teatro de Castela e León

Premio ao Mellor Espectáculo Innovador na 24ª MIT de Ribadavia

Obra multipremiada a nivel nacional e emblemática do selo característico de Galitoon, caracterizado por unha plasticidade televisiva e cinematográfica propia da escola norteamericana de Jim Henson.
Espectáculo de técnica mixta na que se mesturan o teatro de actor con body puppets (monicreques xigantes), muppets (monicreques de medio porte) e teatro de luz negra, pra crear unha historia cuxa trama e ritmo son os propios dos contos clásicos de aventuras.
Conta a historia de Lara, unha nena vaidosa, e do seu amigo Bunka, un gorila inxenuo encargado de coidar a única nube que hai en Golulá. Un día, o malvado doutor Terrier decide roubar a nube, obrigando a Lara e Bunka a facer unha viaxe chea de perigos e personaxes fantásticos.

Compañía: Galitoon
Xénero: teatro
Autoría: Andrea Bayer
Dirección: Chisco Casteleiro
Escenografía: Galitoon
Deseño de son e iluminación: Javier Vega
Vestiario: Lola Gómez
Música: Xosé Liz e Elena Paz
Elenco artístico: Raquel Queizás, Chisco Casteleiro, Jona García, Rubén Mira
Idioma: Galego e castelán
Idade recomendada: + 4 anos
Duración: 50 minutos