O sábado 25 de maio ás 12:30, no ambigú do Teatro Principal de Santiago de Compostela, presentarase o volume 1 da Historia de la danza contemporánea en España, editado pola Academia de las Artes Escénicas de España. O acto contará coa presenza de Branca Novoneyra, concelleira de Acción Cultural e Festas do Concello de Santiago, de Rosángeles Vals, Vicepresidenta segunda da Academia e coordinadora da publicación, de Carmen Giménez Morte, académica, coordinadora e editora da publicación, e de Afonso Becerra, autor do capítulo dedicado a Galicia.

Historia da danza contemporánea en España (Vol. 1) é un manual de estudo para a disciplina da danza, publicado na colección Artes y Oficios de la escena da Academia de las Artes Escénicas de España co apoio do Instituto Nacional de las Artes Escénicas y la Música INAEM. O primeiro volume da triloxía, Desde los últimos años del franquismo hasta 1992, abrangue a etapa de inicio de políticas culturais decisivas para o desenvolvemento das compañías de danza contemporánea no estado. O ano 1992 é tamén unha data destacada xa que a mirada internacional se dirixe cara a acontecementos como as olimpíadas de Barcelona e a Expo en Sevilla: unha etapa de inicio de políticas culturais que foron decisivas para desenvolver as incipientes compañías de danza contemporánea en España.

No primeiro volume de Historia de la danza contemporánea en España participaron autores expertos na disciplina da danza desde os enfoques profesionais da práctica, a docencia, a teoría, a investigación e a divulgación. As académicas Rosángeles Valls, Carmen Giménez Morte, Ana Isabel Elvira Esteban, Laura Kumin, Cristina de Lucas e Mercedes L. Caballero. Os académicos Guillermo Heras Toledo, Cesc Gelabert Uslé e Toni Pastor Borrás. E os autores Eduardo López, Beatriu Daniel Ferrer, Alicia Gómez Linares, África Calvo Lluch, Nati Buil Franco, Elisa Novo Gonzáles-Valledor, María Dolores Tena Medialdea, Carolina Martínez López, Ester Vendrell Sales. Cristina Silveira. Afonso Becerra de Becerreá, Tania Herrero Martínez, Georgina Cayuela Vera, Berha Bermudez Pascual e Maite Pascual Bonís. O texto está ilustrado con fotografías dos espectáculos procedentes de arquivos das entidades colaboradoras e de coleccións persoais dos coreógrafos e bailaríns.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos