O Sergas vén de confirmar que o positivo detectado no equipo da peza e que obrigara onte a cancelar os pases da última semana da montaxe en cartel era un falso positivo. A peza poderá verse esta semana no Salón Teatro dende hoxe ata o domingo.
Os responsables do Centro Dramático Galego tiveron que activar os protocolos por COVID tras o positivo dun dos membros do equipo, segundo informaron o martes pola tarde nas súas redes sociais. Esta situación supón a cancelación da última semana de
Os novos espectáculos de danza ‘Nó’, da compañía Elahood; ‘Credo’, de Nova Galega de Danza, e ‘Tabú’, de Colectivo Glovo, serán coproducidos polo Centro Coreográfico Galego (CCG), segundo recolle a resolución publicada na web da AGADIC.
Xa está dispoñible a resolución dos 18 espectáculos galegos seleccionados para participar na oitava edición do mercado das artes escénicas Galicia Escena PRO, organizada por Escena Galega e a AGADIC, que se desenvolverá en diferentes espazos de Santiago de Compostela entre o 7 e o10 de xuño.
O investimento previsto nesta liña de axudas ascende a 460.000 euros, que se reparten por igual entre espectáculos e accións de artes escénicas e de música que se desenvolvan entre o 1 de novembro de 2020 e o 31 de outubro de 2021.
A cidadanía de Ourense movilízase contra as políticas culturais do Alcalde da cidade, Gonzalo Pérez Jácome. O rexedor ourensán mantén pechado desde o pasado mes de xaneiro o Auditorio Municipal e pretende licitar a xestión privada do mesmo contra a vontade das súas veciñas e veciños. Nesta atmosfera de tensión cultural, nace Emerxencia Cultural Ourense.
Santa Inés é un espetáculo sobre a liberdade, a obediencia, a violencia, o inefable, o misticismo na contemporaneidade, o que un mundo de lobos espera de nós -os cordeiros- e, o máis importante de todo: o que nós, os cordeiros, esperamos de nós mesmos e do mundo. A peza parte da memoria das visitas que Inés Salvado facía coa súa avoa ao Convento de Santa Clara, en Santiago de Compostela.
A Bolsa de Dramaturxia e Creación da AGADIC pretende favorecer a produción de dramaturxia galega contemporánea, impulsar a creación de espectadores para a dramaturxia galega, consolidar produtos culturais competitivos que xeren retorno e, en definitiva, a busca da excelencia nos produtos culturais galegos. ‘Relato para un incendio’, o proxecto de Ernesto Is seleccionado nesta primeira convocatoria, desenvolverase nunha dramaturxia que será empregada nunha coprodución do Centro Dramático Galego (CDG).
O Día Internacional da Danza foi creado polo Comité Internacional da Danza do Instituto Internacional do Teatro (ITI), o socio principal da UNESCO para as artes escénicas. Desde a súa creación en 1982, o Comité da Danza e o Instituto Internacional do Teatro (ITI), seleccionan cada ano a unha personalidade destacada da danza para que escriba unha mensaxe en conmemoración do Día Internacional da Danza. Este ano, o alemán Friedemann Vogel, bailarín principal do Ballet de Stuttgart, é o encargado de asinar a mensaxe.
Con esta nova iniciativa, o CDG quere converterse nun punto de referencia para facilitar o tránsito do alumnado egresado de Arte Dramática ao mercado de traballo, achegándolle diferentes mecanismos de integración na profesión. CDGLab enmárcase ademais no obxectivo de potenciar o coñecemento da realidade escénica tanto entre os colectivos vinculados ao sector como no conxunto da sociedade.
DeMente, da compañía de danza Fran Sieira, estréase mañá xoves 29 de abril, Día Internacional da Danza, no Auditorio Muncipal de Cangas do Morrazo. A peza é unha obra de baile e música tradicional galega para público adulto, cunha duración de 60 minutos. DeMente
Dramawalker é un proxecto orientado a crear ficcións sonoras xeolocalizadas como memoria viva dunha cidade emprendida polo Centro #Dramático Nacional coa veciñanza de tres cidades españolas. Xunto ao barrio compostelán de Vite, participan nesta primeira edición A Cañada Real de Madrid e O Poblenou de Barcelona.
“Queremos, sobre todo, afirmarnos como interlocutores dentro do sector. Sabemos que o noso oficio ten moitas vertentes e queremos buscar o debido recoñecemento a todas elas”, expresa Zé Paredes, o novo presidente de DramaturGA.
6coreógrafas, mostra de espectáculos de creadoras galegas en formato de solos de rúa ou escénicos, desenvólvese esta fin de semana no Concello da Estrada. Desde este venres ao vindeiro domingo, seis creadoras galegas presentarán as súas propostas unipersoais de danza na localidade pontevedresa.
Esta peza é un eloxio dos coidados, é dicir, tecemos o coidado en movemento e os corpos danzan unha antiga reivindicación que demanda ‘Primeiro a Vida’ ou ‘Antes a Vida’ ou ‘Elixir a Vida’, tres posibles traducións do verso de André Bretón transformado nun lema nos antigos muros durante o Maio de 1968 en Francia.
As Residencias Paraíso do Colectivo RPM veñen de seleccionar as artistas que participarán este ano no programa. Dentro dun contexto de enorme vulnerabilidade provocada pola crise sanitaria, en palabras da organización, as Residencias Paraíso chegan á súa quinta edición.
‘Mar en Danza’, que conta co apoio da Deputación da Coruña, nace coa intención de situar á cidade herculina como un referente no ámbito da disciplina a nivel nacional. Grandes figuras da danza, tanto bailaríns como coreógrafos, visitarán nos próximos meses A Coruña para impartir clases maxistrais e conferencias, ademais de actuacións e encontros abertos co público.
A compañía Redrum Teatro funciona como unha empresa cultural dedicada á produción e distribución de espectáculos e á edición de libros dende o ano 2009. Dende a súa fundación, a compañía levou a escena obras para o público familiar (Moito Conto, Roedores ou A nena que quería navegar) e diversos espectáculos para adultos, entre as que cómpre destacar Currículum vitae, Noiteboa, A canción do Elefante, Idiota, O mozo da última fila ou Invisibles, montaxe esta última galardoada cos Premios María Casares á dirección, á iluminación e o texto adaptado en 2019.
Chelo Pampillón recolleu en nome da FEGATEA (Federación Galega de Teatro Afeccionado) o galardón de Artes Escénicas da man de Rosario Álvarez Blanco, presidenta do Consello da Cultura Galega. No seu discurso de agradecementos salientou a traxectoria da federación e os seus principais logros e reivindicou a formación e a creación de público como ferramentas clave do teatro amador galego.
Os Premios de Teatro María Casares, organizados pola AAAG coa inestimable colaboración de entidades e institucións, entregáronse por vez primeira en 1997 e dende aquela son o gran escaparate do teatro, así como a gran festa para todos os profesionais do sector. En total, os galardóns contan con 14 categorías: espectáculo, espectáculo infantil, actriz protagonista, actor protagonista, actriz secundaria, actor secundario, dirección, adaptación-tradución, texto orixinal, música orixinal, iluminación, escenografía, maquillaxe e vestiario.
Será hoxe ás 20.30 horas no Auditorio da Casa da Cultura de Vimianzo. Conexión Pingüín é unha comedia sobre a incomunicación protagonizada por Luís Iglesia e Marcos Orsi con texto de José Prieto e producida por Culturactiva Producións. Tralo éxito de
Será hoxe ás 19.30 horas na Sala Ártika, en Vigo, onde haberá tamén funcións mañá e pasado á mesma hora.
Será hoxe ás 20.00 horas no Salón Teatro. Trátase dunha peza que reflexiona arredor da última etapa da vida protagonizan e reivindica o papel das persoas maiores na sociedade actual.
Mostran o seu apoio “tanto ao equipo técnico coma aos profesionais da programación que desenvolveron ao longo destes anos un traballo exemplar que, lonxe de atender a gustos particulares, responderon a criterios de calidade e de promoción da cultura”.
As xornadas, organizadas polo Colectivo Glovo, terán lugar os días 13, 16 e 17 de abril en distintos espazos da cidade.
Por 20 euros ao ano recibirás con artigos, reportaxes, textos teatrais...