PUBLICIDADE

A partir do próximo día 8 de marzo e ata o 17, o Festival Singular en Feminino programará cinco monólogos protagonizados por mulleres no Auditorio e no Café Teatro do Pazo da Cultura de Narón. As instalacións do Pazo permanecerán iluminadas de cor malva na xornada do 8 de marzo, para conmemorar o Día Internacional das Mulleres.

 

A compañía Teatro del Barrio protagonizará o primeiro monólogo, Emilia, o xoves día 8 ás 20.30 horas. Pilar Gómez dá vida a Emilia Pardo Bazán nesta obra escrita e dirixida por Anna R. Costa. Emilia é a primeira parte da trioloxía “Mulleres que se atreven” que trata de posicionar a mulleres brillantes da nosa historia no lugar que pensamos correspóndelles así como dalas a coñecer ao gran público.

Emilia mostra unha muller que nas postremeiras do século XIX, se empecina en ser ela mesme, é dicir, en conducirse de acordo cos seus desexos e vontade de escribir a participar na vida pública . Emilia tratou de ingresar na Real Academia da Lingua sen éxito. A súa insistencia valeulle a reprobación de moitas das súas contemporáneas, mesmo despois de solicitar a admiración dalgúns outros.

 

Eme2 encargarase de poñer en escena o segundo espectáculo, A noiva de Don Quixote, o día 9 ás 18.30, no Auditorio. A obra de Jose Luís Esteban está dirixida por Jose Carlos García e é interpretada por Mercedes Castro.

Despois da morte de Don Quixote, as esperanzas de Dulcinea del Toboso de casar como Deus manda están case tan desaparecidas coma o fidalgo. E aínda máis se en realidade te chamas Aldonza Lorenzo, non es dama, nova nin bela, e traballas de camareira nun mesón cervantino, preto da autovía, nalgún lugar da Mancha. Dulcinea disponse a atravesar o seu particular dó no que se rebela contra a personaxe que Cervantes lle atribuíu na novela. Con humor, con ironía , con emoción e con descrenza, desvela algúns insospeitados acontecementos que non aparecen no Quixote , en especial a misteriosa historia de amor entre unha pastora que lle murmuraba ás ovellas e unfidalgo que lé novelas de cabalarías.

A noiva de Don Quixote é, ademais, unha coproducción do Padroado da Cultura de narón..

 

Ibruprofeno Teatro representará A filla de Woody Allen o día 9 ás 20.30.Marián Bañobre interpreta á protagonista desta obra escrita e dirixida por Santiago Cortegoso.

O punto de partida de A filla de Woody Allen é o inicio dunha viaxe da protagonista na procura de seu pai, do cal só sabe que vive en Nova Iork e que lle manda un agasallo cada ano polo seu aniversario. Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital. Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria. Ela loita. É incansable. É vitalista. E pon todas as súas esperanzas nese ser descoñecido. A viaxe a Nova Iork é a viaxe a un mundo ideal; é a procura de algo por definir, unha interrogante vital que non sabe se será respondida.

 

Iris Teatro traerá a Narón Frida, o día 10 ás 20.00. A vida de Frida Khalo nun texto de Humberto Robles, dirixido por Paco Obregón e interpretado por Rosa Martínez Alcocer. Ela, Frida Khalo, é quen, no tempo que medía entre o seu espertar e a súa volta a consciencia. Vive unha fantasía, unha festa, na que nos converte nos seus convidados. Como amigos que somos, regálanos as súas cancións, os seus bailes, as súas dores, e os seus accidentes, os seus desexos e as súas debilidades.

En definitiva, dános o seu ser máis profundo, delicado, complexo e contradictorio. Entréganos unha vida, que a pesar de ser tan dolorosa, ela converte nun salvaxe canto á vida.

 

Por último, Berrobambán protagonizará A carreta pantasma o día 17 ás 20.00,un espectáculo singular interpretado por Paula Carballeira, no que se afonda entre os límites da narración oral e o teatro. É, por tanto, un exercicio de sinxeleza ao levar á escena o poder da palabra amplificada con elementos de significación escénica. Unha exploración sobre a emoción a través dos mínimos artificios.

A carreta pantasma fálanos da morte, do medo e da memoria. Vivimos no inmediato e esquecemos con moita facilidade. Ás veces atópanos sin saber onde ir, que facer, que pensar, porque esquecimos de máis e xa non nos recoñecemos no espello. A memoria colectiva ofrécenos identidade, e de memoria falan as tres historias que compoñen este espectáculo. 

A carreta pantasma está baseado no filme sueco do mesmo título estreado en 1921, dirixida por Víctor Sjöström a partir dun relato de Selma Lagerloff, a primeira muller en recibir un Nobel de Literatura sobre unha crenza popular.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos