in

Amigos da Ópera da Coruña celebra os 250 anos do primeiro teatro lírico da cidade

palaciodaopera1

A Asociación presentou onte a súa Programación Lírica 2018, que estará marcada pola conmemoración dos 250 anos do nacemento do primeiro teatro lírico coruñés e para a que se producirá a ópera Il pirata, de Vicenzo Bellini, e se ofrecerá un concerto especial a cargo da mezzosoprano canadiana Vivica Genaux.

De 1768 data a fundación por Nicola Setaro do primeiro teatro dedicado á ópera na Coruña e, polo tanto, das primeiras representacións do xénero celebradas na cidade. Por este motivo, Amigos da Ópera dedícalle a súa carteleira deste ano a lembrar e homenaxear este feito, rescatando a figura como pioneiro da vida musical coruñesa e impulsor da ópera italiana en Galicia que foi Setaro. Prográmase así a produción dunha das obras fundamentais do belcanto, Il pirata, de Vincenzo Bellini e libreto de Felice Romani, estreada en 1827 en Milán.

Para esta ocasión contarase na dirección escénica cunha figura recoñecida do panorama escénico galego, , acompañado na dirección musical por Antoncello Allemandi, cun elenco do que forman parte as sopranos Saoia Hernández e Carmen Subrido, o barítono Juan Jesús Rodríguez e o tenor Francesco Pio Galasso, todos eles acompañados pola Orquestra Sinfónica de Galicia e o Coro Gaos.

PUBLICIDADE

O resultado desta montaxe, que se amosará o 8 de setembro no Pazo da Ópera da Coruña, irá acompañado por outra actividade que enriquecerá aínda máis esta celebración: o 30 de setembro estrearase Setaro, o construtor de utopías, coa mezzo canadiense Vivica Genaux e o barítono coruñés Borja Quiza como protagonistas e o director Mario Pontiggia na posta en escena. Un espectáculo que servirá para que a cidadanía se poida remontar a finais do século XVIII e vivir musicalmente aquel período, con especial fincapé na peripecia vital e artística de Nicola Setaro. O espectáculo viaxará despois a Portugal da man da Orquestra Barroca de Mateus.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Ameiodanoite1

    A meio da noite

    metrocadrado

    O II Certame de Microteatro Metro Cadrado xa ten gañadores