Actualidade

PUBLICIDADE

O sábado 4 de maio, Píscore estrea o seu novo espectáculo, Concerto con Fusión, dentro do programa da Mostra de teatro Universitario de Ourense, MITEU. A estrea na MITEU virá precedida dunha preestrea, o 1 de maio, no Centro Cultural Patelas de Cuntis.

 

Tras máis de cen exitosas funcións por todo o Estado co Concerto Singular (e Plural) -Premio do Público Festiclown 2018 e Espectáculo mellor valorado en Domingos do Principal 2018–, chega Concerto Con Fusión, unha proposta de Píscore e Culturactiva S. Coop. Galega.

Catro prestixiosos músicos e unha marimba volven a atoparse no escenario (con)fusionando música, teatro, humor, comedia xestual, clown e participación do público. Fran Rei volve a dirixir aos catro actores/músicos que forman a compañía que definen como “musicomedia” nun espectáculo familiar e recomendado para nenos a partir de catro anos.

Concerto con Fusión incorpora diversos matices musicais, cunha vocación popular e con cabida para diferentes ritmos: música latina, rock & roll, reggae, pop ou música disco. Catro músicos, descoñecidos, de estilos moi diferentes, chegan ao escenario cos seus instrumentos. O descubrimento dunha marimba e de todas as súas posibilidades fai que, o que podería ser un desastre, se converta nun divertido exercicio de virtuosismo, cooperación e fusión musical.

Entre partituras, atrís e baquetas, os catro protagonistas van descubrindo, pouco a pouco, tema a tema, que teñen un pasado en común e unha incrible querenza por facer músicas (con)fusionando estilos.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos