Actualidade

PUBLICIDADE

Esta fin de semana, os días 4 e 5 de maio, o público poderá ver, no Centro Cultural Vila Flor de Guimarães, dúas das máis recentes creacións de Tiago Rodrigues –actor, director, dramaturgo e actual director artístico do Teatro Nacional D. Maria II–, cuxo teatro subversivo e poético o afirmou como un dos artistas portugueses máis relevantes e acreedor do Premio Europeo Novas Realidades TeatraisSopro chega ao escenario do Centro Cultural Vila Flor a noite do sábado 4 de maio ás 21:30, mentres que o domingo, ás 17:00 horas, o Gran Auditorio CCVF recibe Como ela morre.

Cristina Vidal é apuntadora no Teatro Nacional D. Maria II dende hai máis de 25 anos. Como tantas outras traballadora e traballadores que fan teatro sen nunca pisar as táboas ante o público, permaneceu sempre entre bastidores. Ata que o director Tiago Rodrigues pasou a dirixir o Teatro Nacional e decidiu crear Sopro a partir da súa experiencia. A apuntadora pasou ao centro da escena.

Neste espetáculo, Cristina Vidal, gardiá dunha profesión en vías de extinción, aparece por primeira vez sobre as táboas, acompañada por cinco actores e actrices –Beatriz Brás, Isabel Abreu, João Pedro Vaz, Sofia Dias, Vítor Roriz– e centenas de fantasmas. Estreada no Festival d’Avignon, Sopro foi descrita polo diario francés Le Figaro como “unha vibrante homenaxe ao teatro e aos que o fan”. Na obra, evócanse as historias reais e de ficción dun teatro agora en ruínas.

Como ela morre é unha coprodución internacional do Teatro Nacional D. Maria II coa compañía belga tg STAN –que xa pasou por Guimarães en 2016 coa súa versión de O xardín das cerdeiras de Tchékov. Tamén é un clásico ruso o que constrúe este espectáculo: inspirado por Anna Karenina, a obra mestra de Tolstoi e polo xeito en que a novela pode cambiar a vida dos seus lectores, Como ela morre, reflexiona sobre o amor, a traizón ou a felicidade, dende a historia de dúas parellas en crise, unha portuguesa (Isabel Abreu e Pedro Gil) e outra belga (Jolente de Keersmaeker e Frank Vercruyssen) con Anna Karenina no medio. As dúas historias funcionan en paralelo, en espazos e tempos diferentes, pero están unidas pola lectura simultánea do libro no escenario, nunha apoloxía do poder da literatura..

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos