in

Máis de 150 profesionais acudirán a Galicia Escena Pro

TeatroPrincipal
Entre os axentes culturais acreditados, atópanse programadores de espazos escénicos públicos e privados e de diferentes festivais galegos e doutros puntos de España, así como representantes de compañías e empresas distribuidoras.

 

Máis de 150 axentes culturais de Galicia e do resto do Estado reuniranse do 10 ao 13 de xuño en Santiago de Compostela para participar na sétima edición de que, como en anos anteriores, tamén abrirá o seu programa de espectáculos ao público xeral. A Consellería de Cultura e Turismo promove este mercado galego das artes escénicas, que por vez primeira organizan de xeito compartido a Axencia Galega das Industrias Culturais (Agadic) e a asociación profesional .

O seu principal obxectivo é servir de escaparate para a compra-venda de producións galegas de teatro e danza, para o que se convida a asistir os responsables da programación de teatros, auditorios e festivais, así como de compañías e empresas distribuidoras. Entre os acreditados este ano, atópanse profesionais chegados de toda Galicia, pero tamén doutros puntos de España, como os representantes da Federación Estatal de Asociaciones de Empresas de Teatro y Danza (Faeteda), Festival Sagunt a Escena (Comunidade Valenciana), Feria Europea de Artes Escénicas para Niños y Niñas FETEN de Xixón (Asturias), Instituto de Artes Escénicas de Tenerife (Canarias), Grupo Focus de Barcelona (Cataluña), MADferia de Madrid ou Festival Musikaire de Elorrio (Biscaia), entre outros.

PUBLICIDADE

 

Cafescena e Noitescena

Ademais do programa de exhibición dos 20 espectáculos seleccionados (17 galegos e 3 de fóra) e da sesión de pitching, na que se ofrecerá un adianto de 10 proxectos escénicos galegos, esta sétima edición potenciará a posta en común entre todos os participantes coa incorporación na súa axenda de varios momentos específicos para favorecer as conversas e o intercambio profesional. Así, xunto cos xa habituais aperitivos, que este ano terán lugar na Fundación SGAE ao finalizar as sesións de mañá, outros espazos para o encontro serán o Hotel Costa Vella, cos chamados Cafescena arredor de diferentes temáticas sectoriais; a Biblioteca Anxel Casal, onde terá lugar a mesa de traballo Cara a unha escena plural, e a Sala Riquela coas Noitescena PRO, como peche das tres primeiras xornadas do mercado.

PUBLICIDADE

Como en edicións anteriores, as representacións dos 20 espectáculos en cartel (17 galegos e tres chegados desde Cantabria, Madrid e País Vasco, en intercambio con MADferia e o proxecto Camiño Escena Norte) serán de acceso gratuíto para o público non profesional, en función da capacidade dispoñible en cada caso e previa retirada das entradas nas billeteiras do espazo correspondente.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    MolieresGiletsJaunes

    Rolda Internacional: 27 / 05 / 2019

    Do avesso

    XXXII edición dos Festivais Gil Vicente en Guimarães