O xurado do III Certame de Teatro Afeccionado “Concello de Lourenzá” deu a coñecer o nome das oito obras seleccionadas para ser representadas durante o mes de novembro.
As obras seleccionadas para ser representadas no Certame de Teatro Afeccionado “Concello de Lourenzá” son as seguintes:
- A Lola de Avelaíña Teatro de Pontevedra.
- Fuga de Gargallada Teatro de O Barco de Valdeorras.
- All you need is war de O Catre Teatro de As Pontes.
- A tía Rosita de Coles Teatro de Ourense.
- Comedia bífida de Touporroutou Teatro de Foz.
- A última cea de Fauna 113 de Vigo.
- A estraña familia de Matabelas de Teo.
- Un! dous! tres! de Carauta Teatro de Santiago.
Todas estes grupos de teatro recibirán 300 euros por participar e optarán ao premio de 750 euros que será para o que acade o “Conde Santo” á mellor representación. Tamén se concederán premios ao mellor actor e actriz principal, ao mellor actor e actriz de reparto, á mellor posta en escena e o premio especial do público.
Nos próximo días darase a coñecer o calendario da representación das obras, así como a data na que se celebrará a gala de entrega de premios.
