in

Chévere inicia unha nova xira de “I’ll be watching you”

ChevereWatching |

Hoxe, xoves 25 outubro, no IES Terra de Xallas de Santa Comba, Chévere inicia unha nova xira de I’ll be watching you (hei estar vixiándote), unha peza dirixida a público adolescente para denunciar a violencia machista contra as mulleres.

A compañía segue a desenvolver o seu teatro con perspectiva de xénero recuperando e actualizando uha peza creada en 2011: trátase de I’ll be watching you, un proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo. Para esta nova versión actualizouse completamente o repertorio de cancións, adaptando algúns dos temas tratados ás novas sensibilidades da mocidade. Os obxectivos seguen sendo os mesmos: actuar na prevención da violencia de xénero e promover o pensamento crítico entre o público adolescente. Desta volta, a obra conta co apoio da Secretaría Xeral de Igualdade para chegar a unha ducia de concellos pequenos de toda Galicia.

I’ll be watching you fala dos valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, o mito do amor romántico e a entrega total, o sentimento de propiedade sobre a outra persoa, o acoso e a cosificación sexual da muller ou a connivencia coa violencia. Fala das relacións de igual a igual fronte ás que non o son, da autoestima, da rebeldía, da necesidade de reacción das propias mulleres e dos homes para poñer fin á violencia de xénero.

Publicidade

 

Sinopse

Yeni é a vocalista e Dami o guitarrista dunha orquestra de pachanga. Veñen ofrecer unha gala matinal acústica, repasando o típico repertorio de éxitos do pop, da música latina, reguetón e trap, esa música que soa en todas partes e supostamente neutral, apolítica. Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.

 

Ficha

En escena: Patricia de Lorenzo, Manuel Cebrián. Idea e creación: Chévere. Dramaturxia e dirección: Xron. Asesoramento musical: Xacobe Martínez Antelo
Produción e vestiario: Patricia de Lorenzo, Arantza Villar. Comunicación: Xana García.

Unha produción que conta co apoio da Secretaría Xeral de Igualdade da Xunta de Galicia.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

PremioLaudamucoCCG |

O Premio Laudamuco apoia a creación teatral en galego

AndresPociña |

Presentación de ‘Tres obras teatrais’ de Andrés Pociña