ACTUALIZADA | A proxección de Eroski Paraíso será o xoves 23, ás 20:00, no Círculo Recreativo e Cultural do Porriño e contará coa presenza dos directores, parte do elenco e o equipo técnico. A canción oficial do Festival correrá a cargo de Fernando Epelde, dramaturgo e músico cuxa obra será obxecto dunha retrospectiva dentro do programa deste ano.

 

A XVI edición do Festival de Cans abrirá o 22 de maio coa estrea de Eroski Paraíso, a adaptación cinematográfica da obra da compañía Chévere dirixida por Jorge Coira. Trátase dunha co-produción independente realizada sen subvencións públicas, co soporte humano, material e loxístico das dúas produtoras e coa colaboración das empresas Vegalsa-Eroski e Deleite. A rodaxe conta tamén co apoio do concello de Teo, onde Chévere funciona como compañía residente.

Eroski Paraíso é un dos espectáculos máis exitosos de Chévere, así como un dos máis queridos polo público. Estreado en Muros en 2016, conta a historia de Álex, unha rapaza que estuda cine en Barcelona e quere facer a súa primeira película documental sobre o día no que se coñeceron seus pais na sala de festas O’Paraíso de Muros en 1990, xusto antes de que pechara.

Xesús Ron e Jorge Coira traballaron xuntos para trasladar á linguaxe cinematográfica unha obra que explora o tratamento da realidade no cine e no teatro e as fronteiras entre o real e o representado, entre a ficción e o documental. Unha peza que reflexiona sobre a transformación da nosa sociedade desde os anos 80 ata a actualidade, representada na metáfora da sala de festas reconvertida en supermercado.

 

Música de Fernando Epelde

Ademais, hoxe revelouse tamén que a canción oficial do Festival será da autoría de Fernando Epelde. O dramaturgo e músico –moi coñecido polas súa colaboración coa compañía Voadora– será obxecto dunha retrospectiva sobre os seus contidos e videoclips, ateigados de referencias á música electrónica e á cultura pop e estará no ‘Jaliñeiro’ de Cans (unha das seccións de máis éxito da edición do ano pasado.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos