A dramaturga Vanesa Sotelo forma parte desta experiencia internacional con dramaturgos/as de distintos países europeos. A súa presencia está prevista de forma online o 26 de marzo ás 18.45 horas portuguesas e precisa de inscrición previa.
Unha creación de Ricardo Correia que reuniu de forma online a 5 dramaturgos/as de distintos países de Europa para escribir, de forma documental e/ou ficcional, sobre como foi vivir entre catro paredes durante a crise pandémica e de como iso mudou a forma de entender o que é ser e pertencer á Europa.
Di a sinopse do espectáculo, que este “condúcenos nunha viaxe ao corazón de Europa a partir de varios ángulos, distintas sensibilidades e voces sobre a construción da identidade individual, nacional e europea”.
Un proxecto que integra o ciclo de Pezas Breves sobre o Ascenso e Caída dunha Egoísta chamada Europa que é composto por ambas caras, coma un álbum de música. Cada un destas caras funciona de forma autónoma. A Cara A é composta por pezas curtas escritas por Ricardo Correia pre-pandemia baixo o título WELCOME TO EUROPE.
A Cara B está composta polas pezas curtas escritas pos-pandemia baixo o título por HUIS-CLOS – A EUROPA ENTRE 4 PAREDES, escritas por Ricardo Correia (Portugal), Vanesa Sotelo (Galicia/España), Maxi Obexer (Italia/Austria), Julia Holewinska (Polonia) e Deborah Pearson (Reino Unido).
Este proxecto dramatúrgico forma parte do doutoramento de Ricardo Correia Dramaturgias Políticas Contemporáneas – More Than Words? – Mediacións entre o Teatro do Real e o Teatro Ficcional pretende investigar a correlación entre o real e a ficción na dramaturxia contemporánea política a partir da escrita de pezas usando como temática a Crise Europea.
