O tsunami
Deseño de Disigna Edenia

PUBLICIDADE

A edición da peza gañadora do 15º Premio Abrente de Textos Teatrais preséntase mañá nun acto no Concello de Ribadavia que marca o inicio da MIT 2021.

Mañá, xoves 15 de xullo, ás 21.00 horas, a 37ª edición da MIT de Ribadavia arranca coa presentación da edición da peza gañadora do Premio Abrente 2020: O tsunami, do dramaturgo vigués Marcos Abalde. O Salón de Actos do Concello de Ribadavia acollerá o acto no que intervirán o autor; o director artístico da Editorial Difusora de Letras, Artes e Ideas, Xosé Lois Vázquez; a Concelleira de Cultura, Paula Rodríguez; e o director da MIT, Roberto Pascual.

O tsunami

O tsunami de Marcos Abalde é unha comedia áceda sobre a política, o ecoloxismo e as relacións familiares. Segundo o xurado do 15º Premio Abrente, “a lectura deste texto supuxo a descoberta dunha voz propia que rescata da memoria un acontecemento real (a construción dun encoro artificial na explotación mineira das Pontes, o lago artificial máis grande de Europa, que se fixo para rexenerar unha antiga explotación de lignito) co que o autor é quen de construír unha reflexión tamén sobre a actualidade, descarnada, crúa, grotesca, sucia e decadente”.

Marcos Abalde

Marcos Abalde Covelo (Vigo, 1982). Como dramaturgo obtivo o Premio Josep Robrenyo 2008 por Canibalismo, o Premio Álvaro Cunqueiro 2011 por A cegueira, o Premio Marqués de Bradomín 2012 por Xudite, o Premio Bienal de Teatro Romaría Viquinga 2012 por Saga de Iacobsland, o Premio Varela Buxán 2016 por Oito epitafios por Troia, o Premio Diario Cultural de Teatro Radiofónico 2018 por Psicofonías e o Premio Abrente 2020 por O tsunami. Como poeta publicou Oenach (Premio Fiz Vergara Vilariño 2014), Exhumación (Premio Manuel Lueiro Rey 2016) e Alcatrán (Premio Johán Carballeira 2020). Impulsou o proxecto Ferrol rebelde.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos