Nuria Sotelo
Fotografía de Iñaki Osorio.

PUBLICIDADE

FURIA SOTELO presenta o solo Mortais e Vulnerables este domingo 17 de Outubro, no marco do Festival Internacional de Teatro de Ourense (FITO) ás 19h. no Teatro Principal de Ourense.

Mortais e vulnerables é o segundo solo de Nuria Sotelo. Despois de 11 anos da aparición do seu primeiro solo, Métanse nos seus asuntos, que marcou o comezo de Licenciada Sotelo, Mortais e vulnerables vén marcar a transformación en Furia Sotelo. Esta peza de danza contén o paradoxo dende o seu plantexamento inicial, xa que xorde do desexo de encontro, da necesidade do encontro. Da vontade de continuar indagando na práctica da creación colectiva. Un corpo ao servizo das olladas de diferentes coreógrafas que acompañan o proceso de creación: Aitana Cordero, Ánxela Blanco, Alejandra Balboa, Mónica García e Clara Ferrao. Un corpo vulnerable, fráxil ante as olladas que o fortalecen. Un corpo que se constrúe a través das outras. E o sempre vívido desexo de bailar. O desexo de levar a cabo Mortais e vulnerables xorde antes da pandemia, como unha especie de premonición, adquirindo novos significados ante esta nova realidade.

Mortalidade e vulnerabilidade como aquilo que nos une, aquilo común a tódolos corpos, a tódalas existencias.

Un corpo como tódolos corpos; na súa particular e única materialización.

Unha existencia que se constrúe en relación.

Sempre a mútua referencia, sempre a interdependencia, o alimento, o colo, a entrega.

As gretas da fraxilidade creadas polo desexo.

O teu desexo fortaléceme, o meu desexo vulnerabilízame ante ti

Ficha técnica e artística

Creación: Nuria Sotelo, Beatriz Palenzuela, Rafael de La Lastra
Dirección e coreografía: Nuria Sotelo
Asistentes de coreografía: Alejandra Balboa, Beatriz Palenzuela, Rafael de La Lastra
Colaboracións: Mónica García, Nacho Cárcaba, Elisa Medina Hudgins
Son: MounQup
Deseño iluminación: Del Ruiz

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos