O director, dramaturgo, actor e narrador oral galego Quico Cadaval dirixe a nova produción da compañía portuguesa Red Cloud Teatro de Marionetas, que se estrea esta fin de semana en Aveiro. A peza combina o teatro de monicreques coa narración oral nunha proposta multidiscipinar baseada nos contos tradicionais de varios lugares do mundo.

Ensaio da peza 'Bonecos', de Red Cloud Teatro de Marionetas, dirixida por Quico Cadaval — Ensaio da peza ‘Bonecos’, de Red Cloud Teatro de Marionetas, dirixida por Quico Cadaval. Foto da compañía.

Primeiras funcións

A Sala Estúdio do Teatro Aveirense acolle hoxe as dúas primeiras representacións de estrea: unha ás 16.00 horas e outra ás 21.30 horas, e albergará mañá, domingo 8 de decembro, un terceiro pase, ás 17.30 horas. As funcións están sinaladas en horario portugués (en Galicia corresponden a hora máis).

Sinopse

O espectáculo Bonecos absorbe varias influencias culturais a partir dun mergullo en contos de orixe africana e fragmentos de memorias arredor da cultura tradicional popular, con marionetas portuguesas, doutros países de Europa e africanas. A peza explora o teatro documental e contempla “novas” e “vellas” tecnoloxías, para un espectáculo multiformato, desenvolvido nun proceso evolutivo e circular entre todo o equipo.

Ficha artística e técnica

Creación: Sara Henriques, Rui Rodrigues, Quico Cadaval, Jorge Louraço Figueira

Dirección: Quico Cadaval

Texto: Jorge Louraço Figueira

Interpretación e manipulación: Sara Henriques

Marionetas, adereços, ilustración e deseño de luz: Rui Rodrigues

Música orixinal: António Justiça

Vídeo: João Garcia Neto

Consultoría de movemento:Paula Moreno

Acompañamento de movemento: Dayana Guzmán- Dança AfroAveiro

Deseño de figurinos: Cláudia Ribeiro

Técnico asistente de luz, son e vídeo: João de Matos

Consultoría e servizo educativo: Christine Zurbach e Catarina Firmo

Produción: Ana Gavina e Sara Henriques

Dirección artística: Sara Henriques e Rui Rodrigues

Agradecementos: Professor Celestino Macedo e Boniface Ofogo

Unha produción da Red Cloud Teatro de Marionetas, en coprodución co Teatro Aveirense/ Câmara Municipal de Aveiro e co apoio da Direção-Geral das Artes. Coa colaboración do Festival Internacional de Marionetas do Porto, Museu da Marioneta e Junta de Freguesia de Esgueira

Billetes: https://ticketline.sapo.pt/evento/bonecos-86521