A Asociación de Profesionais do Circo de Galicia (APCG) celebra este domingo 30 a II edición dos Premios Manu Lago, a cita anual que recoñece o talento, a traxectoria e a calidade do circo contemporáneo galego.

Nesta edición entregaranse tres galardóns:

Mellor Espectáculo de Rúa

Nomeados:

Chungo que te cagas— Peter Punk Paiaso
Crunch— Cía. Muu
Hoxe si!— Cía. Sempre Arriba

Mellor Espectáculo de Sala

Nomeados:

Serie Clopen— Centro Dramático Galego
Compaña— Xampitopato
Bagaxe— Arturo Covas Cía.

Premio ao Recoñecemento

Este ano o Premio ao Recoñecemento recae en José Luis Rodríguez “Kote”, veterano artista de circo e figura indispensable na historia do circo galego. Kote forma parte da xeración que iniciou a práctica profesional do circo na rúa en Galicia, especialmente na Praza das Praterías, onde abriu camiños e inspirou a numerosos artistas —entre eles Pablo Reboleiro e o propio Manu Lago—. O galardón destaca a súa traxectoria vital, a súa dedicación absoluta á arte circense e a súa extraordinaria calidade humana.

A gala

O acto terá lugar este domingo 30 de novembro ás 20:00 h no Salón Teatro de Santiago de Compostela.

Entre as autoridades convidadas, encóntranse Jacobo Sutil, director de Agadic da Xunta de Galicia, e aalcaldesa de Santiago Goretti Sanmartín.

A gala vai ser presentada por Peter Punk Pallaso e está coa dirixida por Antón Coucheiro, coa produción de Greta Marí. Nela vai haber actuacións en directo das compañías nomeadas e algunha sorpresa.