O Colectivo D’elas presentou o pasado xoves 4 de decembro o seu espectáculo Velaiquich, amoorch! no Teatro Conde Duque, tras ser seleccionado para participar no 39º Certame Coreográfico de Madrid.
Este espectáculo, orixinalmente deseñado para espazos non convencionais, conta con catro intérpretes en escena: as bailarinas Myriam González, Andrea Castro e Eloi García, e a música en directo de MounQup, baixo a dirección de Julia Laport. Nesta ocasión o Colectivo presentou un extracto de 15 minutos sen música en directo e co deseño de iluminación de Laura Iturralde.
Velaiquich, amoorch! foi galardoado co Premio do Público e co Premio de Programación de 21 Distritos.
Ademais, dentro da programación adicional do Certame, o bailarín galego Jandross (Alejandro Rodríguez) presentou un extracto de A Noite do Cuco dentro do programa “Me, Myself and I”.
A única publicación periódica que ten como obxecto as artes escénicas galegas dende 1983.
- O CDG estrea ‘Memorias dun neno labrego’ - 08/01/2026
- O festival internacional Galicia Magic Fest está a celebrar a súa novena edición - 03/01/2026
- Falece o actor Miquel Insua - 31/12/2025
