Gena Baamonde

(mullerona) Teatreira por vocación, convicción e formación, doutora en Belas Artes, titulada en dramaturxia e dirección. O meu traballo parte da análise e cuestionamento da heteronorma e os xéneros binarios a través da súa representación artística. Traballo no estudo da contemporaneidade escénica, unindo teoría e práctica, dende unha lectura crítica e posicionada dos corpos, buscando a rutura dun marco único de lectura heteronormativa, con especial atención nas (in)visibilidades lésbicas dende unha ollada interseccional, lesbiana-transfeminista-cuir. Formo parte xunto a Andrea Quintana do colectivo VACAburra, investigando entre campos de práctica e estudo como o da Arte Dramática e a Danza Contemporánea. Presentei a miña tese de doutoral, sobre a que xurdiu a peza escénica "Metodoloxías Carroñeras para Corpos Invertidos", buscando a creación de xenealoxías artísticas que poñan cuestión a historia escénica heterocentrada.