O pasado 9 de maio celebrouse no Salón Teatro de Santiago de Compostela unha proba de selección de intérpretes para o peche do equipo da coprodución da compañía con Agadic – Xunta de Galicia e o Centro Coreográfico Galego ao que se presentaron 48 persoas. A organización confésase abraiada pola asistencia e anuncia que o espectáculo creado e dirixido por Rut Balbís será interpretado finalmente por 4 e non 3 intérpretes: Fran Martínez, Jas Processor, Raúl Pulido e Laura Villanueva.
Directo 9 será estrenado a finais de setembro no Teatro Ensalle de Vigo.
O espectáculo é unha peza sobre o directo, un concerto onde os corpos son os protagonistas, e non só os corpos dos bailaríns.
Directo 9, a novena peza de Pisando Ovos e primeira na que Rut Balbís non forma parte do elenco. Ten como eixo principal o concepto de concerto/reunión. Directo 9 ten como base a construción escénica do espazo e o son en directo, no momento presente e busca crear unha peza onde o corpo amose todo o seu potencial, un lugar de encontro sen barreiras entre o intérprete-artista e o espectador. Directo 9 invita a todxs xs asistentes a compartir ese salto ou vibración ou movemento conxunto que nos fai tolear nos concertos de masas.
Ficha do espectáculo:
Creación e dirección Rut Balbís
Axudante dirección Janet Novas
Intepretación Fran Martínez, Jas Processor, Raúl Pulido, Laura Villanueva
Deseño de iluminación Afonso Castro
Deseño espazo sonoro e deseño gráfico Jas Processor
Produción, distribución e fotografía Manu Lago
Vídeo Miramemira
Colaboran
Teatro Ensalle de Vigo
Centro Dramático Galego
Galicia Danza Contemporánea
NORMAL
Coproduce
Centro Coreográfico Galego – Agadic – Xunta de Galicia
