PUBLICIDADE

Obradoiros formativos, proxeccións, residencias creativas, conversas con profesionais e espectáculos de pequeno e mediano formato en rúas e espazos abertos da cidade: esa é a oferta que o festival herDanza presentará do 3 ao 8 de setembro en Compostela.

O festival comezará oficialmente o día 3 de setembro cunha presentación do programa na Casa do Matadoiro acompañado dunha cata de viño. Os día seguintes, tamén na Casa do Matadoiro, será a quenda das conversas e mesas redondas: o martes 4, ás 21:00, Alba Barral e Sonia Rodríguez conversarán sobre “O papel da muller na danza” e o mércores 5, tamén ás 21:00, Enrique Latorre e Marta Pérez farano sobre “O corpo como resistencia”.

Os espectáculos abertos seguen a ser o principal atractivo do festival para o público de Compostela e neles poderá verse o traballo de numerosos artistas galegos e de fóra. Comezarán o xoves 6 de setembro, ás 20:00, na Igrexa de Salomé, con Dani Boogz, que presentará Crisálida. Ás 21:30, Fran Martínez estará na Igrexa das Ánimas con A temperatura, o temperamento. O día rematará cunha proxección por confirmar na Casa do Matadoiro.

O venres 7 de setembro, o programa comezará no CGAC: Dani Boogz e Graciel Stenio presentarán alí Sombras ás 18:30 e, a seguir, presentaranse os resultados da Residencia Creativa con Iker Gómez de Daniel Delgado, Sara Incera, Lara Munín, Noel Quintela, Paula Ripoll e Inés Santos. Xa ás 20:00, a compañía 5S estará con Torre de Babel nos Arcos de Bonaval, para rematar o programa do día na praza da Inmaculada con Les Braves e o seu espectáculo Volutas.

O festival remata o sábado 8 de setembro. De 12:30 a 14:00, nos Bancos da Alameda, haberá unha clase aberta a cargo de Dani Boogz baixo o título Popping/Boogaloo. Ás 18:30, no Museo do Pobo Galego, Clara Ferrao presentará Miñaxoia e ás 20:00, na praza de Santo Agostiño, Ánxela Blanco estará coa súa obra Ulises e a nena durmida. [na foto]. Ás 21:30, herDanza poñerá o punto final con Imprevisibles, un espectáculo de danza improvisada con música en directo na praza de San Martiño Pinario.

 

Actualización:

A proxección do día 6 consistirá nunha selección de curtas a cargo do director do Festival Choreoscope, Lorand Janos, co soporte do Institut Ramon Llull:

Ànim
2011, 10 ́50″
Dirección: Marc Costa, Aixa Sanuy
Coreografía: Kanga Valls

Move Away
2015, 5 ́11″
Dirección: Ch Martínez
Coreografía: Pere Joseph Vilaplana & Maria De Acha
Premio á Mellor Curtametraxe Internacional de Danza Choreoscope 2015

De Farol
2014, 6 ́05″
Dirección e coreografía: Virginia García, Damián Muñoz

IRØN MODVM
2015, 3 ́46″
Dirección: Derek Pedró
Coreografía: Iron Skulls Co

Amani
2016, 7’ 21’’
Dirección e coreografía: Noemi Perez
Premio al Mejor Cortometraje Internacional de Danza Choreoscope 2017

No Room for Doubt
2016, 4 ́07″ Dirección e Coreografía: Aina Lanas
Escola: ESCAC
Premio á Mellor Curtametraxe Novos Talentos de Cataluña Choreoscope 2016

The Missing Part
2016, 21 ́40″
Dirección: Salvador Sunyer, Baró d ́Evel
Coreografía: Baró d ́Evel
Premio á Mellor Curtametraxe Internacional de Danza Choreoscope 2016

 

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos