in

Cultura no Camiño pecha en setembro con 44 actuacións escénicas e musicais

PiscoreConcertoSing03 |

O ciclo Cultura no Camiño programará durante o vindeiro mes de setembro un total de 44 actuacións escénicas e musicais como peche da súa sexta edición, que deu comezo a mediados de abril para ofrecerlle 340 citas culturais ao público de 103 municipios ubicados nalgunha das rutas xacobeas en Galicia.

No arranque da súa carteleira teatral de setembro, o domingo 2, Ponte Ledesma, en Boqueixón (A Coruña), acollerá a montaxe circense Forzu2, de , ás 18,00 horas; o Auditorio da Azucreira de Portas (Pontevedra) recibirá á compañía Píscore, con Concerto singular, á mesma hora. Ás 19,00 horas, o Paseo do Malecón de Sarria (Lugo) acollerá unha función de Ghop!, de .

A programación continuará ata finais de mes noutra trintena de localidades, todas elas situadas nalgunha das rutas do Camiño de Santiago en Galicia. É o caso dos concellos coruñeses da Coruña, Culleredo, Fisterra, Mazaricos, Neda, O Pino, Oroso, Ribeira, Teo e Vilasantar; de A Fonsagrada, Begonte, Chantada, Guitiriz, Lourenzá, Mondoñedo, Palas de Rei, Paradela e Sober, en Lugo; de Ourense e San Cibrao das Viñas, na provincia de Ourense; e dos pontevedreses da Guarda, Caldas de Reis, Catoira, Meaño, Oia, Pontecesures, Redondela, Silleda e Valga.

Publicidade

Esta sexta edición do ciclo mantén como obxectivo enriquecer e descentralizar a oferta cultural galega, así como dinamizar a contratación dos espectáculos de teatro, música, maxia, novo circo e danza producidos en Galicia de xeito profesional. De feito, este ano son 142 as formacións artísticas en cartel, cifra moi superior á das 56 compañías coas que esta iniciativa se puxo en marcha en 2013.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Buxiganga |

    Calendario de actuacións do programa Buxiganga na provincia de Lugo

    Ulises3 |

    III edición do festival herDanza en Compostela