Carpe Diem comeza o seu percorrido polos escenarios con tres funcións no Teatro Principal de Compostela do 27 de febreiro ao 1 de marzo.

 

Carpe Diem, o novo espectáculo da compañía Producións Teatráis Excéntricas, estréase o vindeiro mércores 27 no Teatro Principal de Santiago, onde poderá verse ata o venres 1 de marzo dentro da programación que ofrece este espazo como integrante da Rede Galega de Teatros e Auditorios.

Tras a estrea o mércores 27, poderá verse de novo o xoves 28 de febreiro e o venres 1 de marzo, ás 20:30. Ademais, ao remate da representación do día 27, haberá unha posfuncion, actividade do Club C! mediante a cal, unha vez cae o pano, os e as convidadas, persoas con relación coas temáticas tratadas na peza ofrecerán o punto de vista práctico, o que “quere dicir” a obra. Tras iso, o debate estará aberto ao público asistente e ao elenco.

En Carpe Diem, Producións Teatráis Excéntricas leva ás táboas, por primeira vez en Galicia, unha obra do autor e cineasta brasileiro Rubem Fonseca, considerado o meirande escritor vivo en lingua portuguesa. Premio Camões, Fonseca estendeu o seu talento sobre o xénero policial que, a pesar de ser considerado literatura de consumo, no seu caso brilla á hora de ofrecer unha visión distante e sen piedade da condición humana.

A adaptación deste relato combina o cinismo, a intriga e o ritmo característicos do seu autor nunha historia que arranca a modo de anécdota cinematográfica: unha muller e un home coñécense nunha previsible festa de fin de ano e comezan unha relación adúltera.

Dous amantes nun motel barato soñando vinganzas en París, interpretados por Maria Costas e Marcos Vieitez; un músico Mon Orencio (Mister Cool) que tocando ao vivo bossa nova e cool jazz, ennobrece e atenua o escaldante drama; un narrador, o actor de comedia Victor Mosqueira, presta a súa voz a Rubem Fonseca; e a luz do cinema, ao proxectarse no escenario, deixanos soñar que podemos ser Belmondo e Moreau, Grant e Kelly. A dramaturxia e dirección está na man de Quico Cadaval, que paga unha debeda con Fonseca, un dos seus autores de cabeceira.

O espectáculo tira de dúas linguaxes máis: a musical e a cinematográfica, multiplicando o xogo de espellos que é toda obra de arte. Podemos decir que o xogo é a cuatro, como nun ring. Loitan e enamoran a narración , a interpretación, a música e o cinema. O dispositivo non é gratuito, o cinema é o grande protagonista desta peza teatral, da mesma forma que frecuentemente, o teatro é protagonista de algún filme.

A venda anticipada de entradas para as tres funcións en Compostela, todas elas programadas ás 20:30, está operativa no web www.compostelacultura.gal. A continuación, o espectáculo iniciará o seu percorrido polos escenarios galegos, dentro do que xa ten confirmadas representacións o 31 de marzo no Cine Elma da Pobra do Caramiñal, o 7 de abril no Teatro Principal de Ourense, o 3 de maio no Auditorio Municipal da Illa de Arousa e o 9 de xuño na Casa da Cultura Pintor Lloréns de Sada.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos