O Festival de Teatro Transfronteirizo de Castela-León desenvólvese en Zamora os días 29, 30 e 31 de marzo con participación de grupos de teatro non profesionais de Castela, Galicia e Portugal. O evento, que se enmarca dentro das actividades da Plataforma Transfronteiriza de Teatro Amador –formada pola Federación Galega de Teatro Amador, a Federación de Grupos Aficionados de Teatro de Castilla y León, o Teatro do Noroeste-Centro Dramático de Viana/TEIA e a erregueté– inclúe un programa que combina a exhibición de espectáculos, a formación e as lecturas dramatizadas en tres linguas do texto gañador do I Premio Platta de Teatro Breve.

As representacións teatrais comezarán o venres 29 ás 20:00 co espectáculo La sombra del Tenorio da man do grupo burgalés El Duende de Lerma. O sábado 30 o grupo portugués Val Avante tomará o relevo coa presentación de Do Céu Caiu un Anjinho (el canto del loco), mentres que o domingo 31 de marzo o grupo galego Ditirambo tomará o relevo coa presentación de Anónima 18 ás 19:00. Todas as representacións terán lugar no teatro Elvira Fernández da Junta de Castilla y León.

O domingo a partir das 12:30 horas o Paraninfo do Colegio Universitario acollerá a lectura dramatizada en galego, castelán e portugués da peza Amor de gravata, de Antonio Mauriz. Gañador do I Premio Platta de Teatro Breve – Castilla y León, o dramaturgo galego Antonio Mauriz acompañará o acto das lecturas, que se completará coa presentación da colección Cadernos Platta: unha serie de pezas breves en tres linguas concibida para a nutrir de textos os obradoiros de lecturas dramatizadas e contribuír á promover a dramaturxia contemporánea e a súa difusión entre os territorios integrantes da PLATTA.

Por último, no espazo de formación o programa inclúe un curso de teatro xestual que completa as actividades deste proxecto que regresa unha ano máis á provincia Zamora e que terá unha nova cita en Galicia no mes de maio no Carballiño e no mes de setembro en Viana do Castelo.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos