ACTUALIZACIÓN: A SGAE amplía o prazo para participar nos Premios SGAE de Teatro 2020 ata o 20 de maio.
Co propósito de impulsar e apoiar a creación de novos textos dramáticos que contribúan ao enriquecemento do panorama teatral e apoiar así aos autores dramáticos da Sociedade Xeral de Autores e Editores (SGAE), a Fundación SGAE convoca o XXVII Premio SGAE de Teatro Jardiel Poncela, o XIX Premio SGAE de Teatro Infantil, o XII Certame Internacional Leopoldo Alas Mínguez para textos teatrais LGTBI, e o II Premio SGAE de Teatro Ana Diosdado para textos escritos por mulleres.
O prazo para a presentación de textos remata o 20 de abril de 2020. O xurado estará composto por profesionais das artes escénicas de recoñecido prestixio. O fallo dos tres premios farase público antes do 31 de decembro de 2020.
A dotación destes premios alcanza os 24.000 euros distribuídos do seguinte xeito: Premio SGAE do Teatro Jardiel Poncela, 8.000 euros; Premio SGAE de Teatro Infantil, 8.000 euros; Certame Internacional Leopoldo Alas Mínguez, 4.000 euros; e Premio SGAE de Teatro Ana Diosdado, 4.000 euros. Ademais, estes premios recoñecen a inclusión dos textos na Serie SGAE de Lecturas Dramatizadas e a súa posterior publicación, dentro das coleccións que edita a Fundación SGAE.
Bases Premio SGAE de Teatro Jardiel Poncela
Bases Premio SGAE de Teatro Infantil
Bases Certame Internacional Leopoldo Alas Mínguez
Bases Premio SGAE de Teatro Ana Diosdado
