O domingo 2 de outubro comezan os Domingos do Principal co espectáculo multipremiado “Cris pequeña valiente” da compañía andaluza El Espejo Negro. O ciclo de teatro familiar do Concello de Pontevedra está coordinado por Teatro Akatro e nel programan doble pase, en horarios de mañá e tarde.
Cris, pequeña valiente xa se puido ver na Mostra de Ribadavia de 2021 na que levou o premio do público e na programación de VigoCultura 2022. A obra está inspirada nun grupo de nenas transexuais e nace da necesidade de visibilizar e poñerlle cara aos centos e milleiros de nenos e nenas trans que conviven na nosa sociedade.
El Espejo Negro pretende achegar ao público a transexualidade dos más pequenos, rompendo co descoñecemento e mostrando como estes cativos padecen desde os seus primeiros anos de vida o rexeitamento da sociedade, mesmo en ocasións contadas, o dos seus propios pais e nais.
A compañía andaluza, creada en 1989 polo autor andaluz Ángel Calvente, conta cunha linguaxe corrosiva e burlona. Os seus espectáculos son provocadores, innovadores e técnicamente notables o que a converten nunha das más salientables compañías de monicreques o obxectos de todo o estado, chegando a recibir ata tres Premios MAX. As súas creación xa pasaron por programacións e festivais de Europa, América e Asia.
O espectáculo está recomendado para todas as idades, mesmo adultos, a partir de 6 anos. Ten unha duración de 65 minutos e, como en anteriores edicións, haberá dous pases un ás 12:00h e outro ás 18:30h no Teatro Principal de Pontevedra. As entradas xa están á venda en Internet. En caso de que queden entradas sen vender anticipadas poderanse mercar na propia billeteira do Teatro unha hora antes de cada función.
