in ,

A AELG fai públicas as bases para participar no V Festival Pezas dun Teatro do Porvir

Na 5ª edición contémplase un premio consistente na estrea nun teatro da Coruña

260172561 10225228783763854 328973034426335242 n
IV Festival Pezas dun Teatro do Porvir, Galiza + Portugal. 'HUMANOCRONO' de Susana Lorenzo Vázquez. Dirección de Iván Fernández. Foto de Afonso Becerra

A VII Xornada da Sección de Literatura Dramática da AELG ten como centro o V Festival Pezas dun Teatro do Porvir, Galiza + Portugal, que se vai celebrar no Centro Ágora da Coruña, o sábado 26 de novembro de 2022, co patrocinio do Concello e a , CEDRO e a complicidade do Centro Camões de Vigo.

Baixo o lema “Os retos das artes escénicas en tempos difíciles”, dentro do V Festival vaise ofrecer unha masterclass de Rui Torrinha, director artístico do Centro Cultural Vilaflor de Guimarães (Portugal). Segundo a organización, un dos obxectivos é reforzar os vínculos entre as creadoras e creadores das artes escénicas de Portugal e Galiza.

O Festival Pezas dun Teatro do Porvir, Galiza + Portugal está destinado á (re)presentación de proxectos, pezas en proceso ou inacabadas, que utilicen texto en lingua galega/portuguesa, independentemente da modalidade escénica. Por tanto, trátase, dun festival aberto a proxectos e pezas tanto de danza, como de teatro, circo, maxia ou modalidades híbridas, independentemente do xénero e estilo.

PUBLICIDADE

O comité de selección vai estar formado pola comisión organizadora da AELG e polo director do da Coruña, Xosé Paulo Rodríguez. Segundo o coordinador do Festival, Afonso Becerra, vogal da Sección de Literatura Dramática da AELG: “Trátase de que o festival, ao chegar á súa quinta edición, non podía continuar facéndose de costas aos teatros da Coruña, cidade na que se celebra e na que existe unha importante tradición teatral. Por tanto é moi importante dar un paso máis e facer este festival, único en Galiza, en complicidade cos teatros municipais da Coruña, contando, para iso, co seu director artístico. Grazas a esta colaboración existe a posibilidade de conceder un premio consistente na estrea dun dos proxectos nun dos espazos teatrais da Coruña.”

O festival acollerá 7 propostas, 4 de Galiza e 3 de Portugal, asignando un orzamento de 350 € para cada unha das 4 propostas de Galiza e 450 € para cada unha das 3 propostas de Portugal. A data límite para o envío desas propostas é o 28 de outubro.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Melania Cruz

    Melania Cruz galardoada co Premio da Cultura Galega de Artes Escénicas

    Programación Galicreques 2022

    A programación do Galicreques 2022 aposta polos monicreques para adultos