A II Xornadas da Academia Galega de Teatro no Pazo de Mariñán arrancaron onte á tarde, coa chegada das persoas e entidades participantes. Estanse a desenvolver ao longo do día de hoxe, baixo o título “O deseño das programacións teatrais galegas: na procura dun modelo cooperativo”, e rematarán mañá, sábado 25, coa elaboración das conclusións.
Neste encontro, organizado pola Deputación da Coruña e a Academia Galega de Teatro, co patrocinio da Agadic, “preténdese buscar un modelo conxunto de diálogo entre diversos axentes culturais que o integran (programadores/as e empresas escénicas), tendo en conta a natureza das artes escénicas como servizo público”. A orientación destas segundas xornadas partiu da seguinte reflexión por parte da Academia Galega de Teatro: “O marco local, é a Administración que máis se esforza por cumprir as primeiras necesidades da cidadanía, con todo, na maioría dos casos, esas necesidades cóbrense sen unha política clara, sen reflexión sobre o futuro e sen obxectivos a longo prazo. Isto pode aplicarse ao eido da política cultural municipal. A gran variedade de actividade cultural existente nos concellos galegos, e en concreto nas artes escénicas, fai que a xestión que se realiza, en función dos intereses, recursos e organización, sexa moi distinta duns concellos a outros xerando unha realidade complexa e diversa”.
O que procuran facer é “xerar un espazo de pensamento, nun encontro cun espírito distendido, para repensar o sistema de programación que se está a levar a cabo en Galicia, onde distintos axentes da Administración local (especialistas e profesionais) analizarán a situación co fin de marcar uns puntos de encontro cuxo obxectivo é mellorar o sector escénico do noso país para o futuro”. Coa participación de todas estas e estes profesionais pretenden “establecer un diálogo cun grupo de persoas expertas que programan en distintas realidades, achegarnos a cada unha delas, e intentar depurar un conxunto de ferramentas que permitan a evolución no marco das artes escénicas en xeral, e do teatro en particular”.
Programa completo das II Xornadas
XOVES, 23 DE MAIO
16:00 a 17:00 h Chegada da Xunta Directiva
17:30 h Xunta Directiva da Academia Galega de Teatro
19:00 a 20:00 h Chegada das/os participantes a o pazo de Mariñán. Organización dos aloxamentos.
20.30 h Cea no Pazo de Mariñán
VENRES, 24 DE MAIO
9:00 A 10:00 h Almorzo
10:00 h INAUGURACIÓN DAS XORNADAS
- Imma Antonio (Presidenta da Academia Galega de Teatro)
- Natividade González (Deputada de Cultura, Igualdade, Lingua e Dereitos Civís da Deputación da Coruña)
- Jacobo Sutil (Director da Agadic)
- Carlos Lorenzo (Presidente da Asociación Galega de Profesionais da Xestión Cultural)
10:45 h ASPECTOS ORGANIZATIVOS DAS XORNADAS
Xosé Manuel Rabón (Coordinador Técnico das Xornadas)
11:00 h OS DEREITOS CULTURAIS
Comunicación: A Lei de dereitos culturais Por: Mercedes Queixas
12:00 h Café de media mañá.
12:30 h Intervención das/dos asistentes e debate.
13:30 h Remate.
14:00 h Xantar no Pazo de Mariñán.
16:30 h FALADOIRO: “O DESEÑO DAS PROGRAMACIÓNS TEATRAIS GALEGAS. Modelos
de compañías de artes escénicas”
Moderan Xavier Castiñeira e Carlos Lorenzo.
Participan:
- Compañía Furia Sotelo.
- Pistacatro.
- Amorodio Teatro.
- Ibuprofeno Teatro.
- Chévere.
- Caramuxo Teatro.
- Títeres Cachirulo.
- Teatro do Atlántico.
- Representante de Escena Galega.
18:00 h Pausa café de media tarde.
18:30 h FALADOIRO: O DESEÑO DAS PROGRAMACIÓNS TEATRAIS GALEGAS. Modelos
de espazos de programación.
Moderan: Xavier Castiñeira e Carlos Lourenzo
Participan:
- Xosé Paulo Rodríguez- Director do Teatro Rosalía de Castro de A Coruña.
- María José Vázquez- Técnica de Cultura do Concello de Ames.
- Carlos Varela- Técnico de Cultura do Concello de Vilagarcía.
- Neves Lema- Técnica de Cultura do Concello de Vimianzo.
- Marcos Martínez- Coordinador de actividades xuvenís do Concello de Sada.
- Daniel Loza- Técnico de Cultura do Concello de Betanzos.
- Madó Santos- Ex-técnica de Cultura do Concello de Muros.
19:30 h Intervención das/os asistentes e debate.
20:30 h Cea no Pazo de Mariñán.
SÁBADO, 25 DE MAIO
9:00 a 10:00 h Almorzo.
10:00 h Xuntanza das/os asistentes de elaboración de conclusións.
12:00 h Pausa café media mañá.
12:30 h Exposición das conclusións.
14:00 h Xantar no Pazo de Mariñán e despedida das/os participantes.
