A Sala Ártika, sita en Vigo, acolle hoxe, xoves 24 de outubro, a presentación da peza BuenosDíasSeñoritaLelia, da compañía arxentina El Rayo Misterioso, a partir das 20.00 horas. A peza viaxará despois a Ourense, onde o grupo laboratorio teatral fará unha función este sábado, 26 de outubro, no marco do FITO de Ourense, no Teatro Principal, ás 20.00 horas.
Sinopse
“BuenosDíasSeñoritaLelia dispara dende unha aula imaxes e situacións cargadas de sensorialidade. Eses nenos que son vítimas e verdugos á vez, transcorren a inocencia da infancia baixo un sistema que moldeou as súas conciencias á forza de abusos, opresión e cinismo. Dende as orixes da civilización crearon un inconsciente colectivo, creando unha realidade falsa a mercé das intereses perversas dunhas poucas.
Vaia este ensaio teatral e poético a quen o viviu, a quen o escoitou, aos novos nenos, porque a lembranza desta información emocional, debe estar presente para non permitir que aqueles, que son os mesmos de hoxe, sigan operando sobre as nosas conciencias”.
Ficha artística
Niños:
FERNÁNDEZ, Noemí: Victoria Guercetti.
GARCÍA, Mabel: Leticia Beux.
GONZÁLEZ, Marta: María de los Ángeles Oliver.
ORTIZ, Sergio: Exequiel Orteu.
PÉREZ, Graciela: Ada Cottu.
TORRES, Juan Carlos: Sebastián Arriete.
Produción: EL RAYO MISTERIOSO.
Operación técnica: Maywa Vargas.
Coreografía de tango: María de los Ángeles Oliver, Sebastián Arriete.
Texto, dramaturxia e dirección: Aldo El-Jatib Amato.
Teaser de BuenosdíasSeñoritaLelia.
O grupo
Fundado e dirixido por Aldo El-Jatib, o Grupo Laboratorio de Teatro “El Rayo Misterioso” funciona na cidade de Rosario (Arxentina) desde 1994, como asociación civil sen ánimo de lucro.
O grupo desenvolve un conxunto de actividades arredor do evento teatral e artístico, levadas a cabo unicamente polos propios membros que tamén son os actores e actrices de todos os espectáculos. A base de funcionamento son as dinámicas de grupo e os que integran El Rayo Misterioso traballan tanto a nivel artístico como profesional só neste proxecto.
