A Asociación pola Liberdade Afectivo Sexual A.L.A.S. A Coruña concede o Premio Marcela e Elisa á compañía de teatro A Panadaría, por ter sido capaces de espertar o aplauso de crítica e público co seu espectáculo teatral, Elisa e Marcela – Historia que parece conto. Segundo a asociación, “esta peza teatral reivindica afectos, sentimentos e sexualidades afastadas das normas do heteropatriarcado”.
A entrega do premio terá lugar na sala NO IMPORTA da Coruña e será presentada pola xornalista coruñesa Loreto Silvoso, vicepresidenta segunda da Asociación de Prensa da Coruña e redactora de Radio Voz e con música a cargo do grupo Miss Lane & the Kryptonians. A entrada será libre e gratuíta.
Elisa e Marcela recibiu os premios ao mellor espectáculo, á mellor dirección, á mellor actriz protagonista e ao mellor texto orixinal na última edición dos Premios María Casares e foi galardoada no I Concurso de Ideas Luísa Villalta convocados pola Deputación da Coruña.
A única publicación periódica que ten como obxecto as artes escénicas galegas dende 1983.
- O CDG estrea ‘Memorias dun neno labrego’ - 08/01/2026
- O festival internacional Galicia Magic Fest está a celebrar a súa novena edición - 03/01/2026
- Falece o actor Miquel Insua - 31/12/2025
