Este sábado 24 de novembro, a partir das 9:45, no Espazo Normal da Coruña (Paseo de Ronda, 47), e co apoio do Concello a través da Concellaría de Culturas, Deporte e Coñecemento, da Deputación Provincial da Coruña e do Centro Español de Derechos Reprográficos (CEDRO), comeza a terceira edición da Xornada da Sección de Literatura Dramática da AELG, unha reunión anual de dramaturgas/os que quere ser un foro de intercambio de opinións, reflexións e debate arredor da literatura dramática galega actual cuxo obxectivo final é ir marcando uns obxectivos asumibles e unhas tarefas anuais coas que poder mellorar a situación do xénero en Galicia.

Baixo o lema A palabra teatral nas aulas, preténdese nesta ocasión facer unha revisión da literatura dramática galega dos últimos anos a través das diversas persoas que a protagonizaron e, alén diso, dar a coñecer proxectos de escrita dramática actual e experiencias próximas que axuden a abrir os camiños necesarios. Entre eses camiños está a exploración das virtudes da literatura dramática no Ensino, xa que se trata de textos que conteñen a partitura de accións para o xogo que afonda nas relacións humanas.

Con estas actividades abertas á cidadanía quérese contribuír á visibilización do xénero, establecer unha conexión entre os textos para o teatro e as aulas. Tamén ofrecer un espazo de encontro e intercambio de coñecemento para as/os profesionais das artes escénicas e de todas as persoas interesadas nun dos piares dunha identidade cultural plena.

O programa da mañá conta con tres mesas redondas cos títulos:

  • A literatura dramática galega no último cuarto do século XX, presentada por Xesús Pisón e con Manuel Lourenzo e Henrique Rabuñal.
  • O teatro nas aulas, moderada por Rosalía Fernández Rial e con Raquel Castro e Fran Godón.
  • A literatura dramática galega nas primeiras décadas do século XXI, moderada por Afonso Becerra e con Eva Ferreira e AveLina Pérez.

A tarde arrinca co Festival Pezas dun teatro do porvir. Procesos abertos de escrita dramática, unha convocatoria aberta a 4 dramaturgas/os que están a escribir algunha peza nova ou que teñen unha peza recente e queren abrila ao público amosando un fragmento ou mostra desta.

  • 16:00. Malcriada, unha historia de amor, de Esther Carrodeguas
  • 16:30. Pulso, de Paula Sanmartín
  • 17:00. Proxemia 45, de AveLina Pérez
  • 17:30. Infinito conxugado, de Gloria Rico

 

A Xornada rematará cunha clase maxistral a cargo de José Maria Vieira Mendes, recoñecido dramaturgo portugués (de quen a erregueté publicou Padam, Padam, no seu número 69) que falará sobre as relacións entre a literatura e o teatro centrándose nos textos do teatro portugués actual. Posteriormente, o autor manterá un coloquio cos asistentes.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos