A sala Ingrávida do Porriño ten aberto o prazo para presentarse ao certame Sumidoiros 2018. O Sumidoiros é un certame para persoas en formación teatral ou compañías emerxentes no que se pretende poñer en valor os traballos teatrais en risco de rematar nos sumidoiros culturais.
Condicións do certame:
- De todos os traballos presentados, a dirección da Sala Ingrávida fará unha selección que se representarán na sala os días 18 e 19 de Xaneiro de 2019.
- Das propostas que se representen, o público votará a gañadora do Sumidoiros
- Á gañadora do Sumidoiros terá unha residencia na Sala Ingrávida coa presentación do resultado da residencia na vindeira tempada.
Para a presentación:
- Ter máis de 18 anos
- Enviar a ficha de presentación cuberta antes da data límite.
- Só un traballo por alumna/o e/ou compañía.
- Duración mínima 20 minutos, máxima 50 minutos.
- Ter dispoñibilidade para representar os días 18 e 19 de Xaneiro do 2019.
- Adxuntar unha ou dúas fotos con boa calidade
- Vídeo do traballo.
A presentación de traballos e máis info en [email protected] antes do 12 de xaneiro de 2019 ás 23:59.
