O FETEGA acaba de facer pública a convocatoria para participar no 31º Festival de Teatro Galego “Celso Parada”, no Carballiño (Ourense) a segunda semana de setembro de 2020. As obras deben desenvolverse en galego e estar producidas en Galicia.
As propostas poden enviarse ata o luns 17 de febreiro ás 20 h a través do formulario electrónico de inscrición, accedendo no formulario de inscrición en https://www.fetega.gal/convocatoria-2020.php, onde se deberán describir a obra e achegar material de valoración.
Distínguense 6 categorías:
APARTADO 1: Teatro de Sala para público Adulto (Auditorio)
Dirixida a compañías galegas con espectáculos teatráis para adultos
APARTADO 2: Teatro de Exterior para público Familiar (Anfiteatro)
Dirixida a compañías galegas con espectáculos teatráis de exterior para público familiar
APARTADO 3: Teatro de Rúa para público Familiar
Dirixida a compañías galegas con espectáculos teatrais e animación de rúa para público familiar
APARTADO 4: Teatro de Sala para Nenos
Dirixida a compañías galegas con espectáculos teatrais de interior para público infantil e bebés
APARTADO 5: Monólogos Cómicos
Dirixida a elencos e artistas galegos con espectáculos de humor
APARTADO 6: Performances e Pequenos Formatos
Convócase aos elencos e artistas galegos con espectáculos de performance e pequenos formatos, para desenvolver en interior ou exterior.
Segundo indica a A.C. FETEGA, valorarase que sexan ESTREAS e aspectos como o número e calidade de actores e actrices ou a súa traxectoria.
