A Mostra Internacional de Teatro Universitario de Ourense (Miteu) celebrarase do 1 ao 16 de maio e contará con 17 espectáculos distribuidos en diferentes espazos da cidade das Burgas. O público poderá desfrutar da programación tanto no Teatro Principal, o Liceo, o campus, a Praza Maior, a Alameda ou os Xardíns do Padre Feijóo, entre outros espazos.
O programa foi presentado este martes polo director da Mostra, Fernando Dacosta de Sarabela Teatro, durante unha rolda de prensa no Teatro Principal de Ourense. Subliñouse a vitalidade da MITEU que sobreviviu dous anos á pandemia sen cancelar as súas edicións, que se celebraron nun formato reducido e en verán.
En total, 17 espectáculos de aulas de teatro universitarias e compañías profesionais. Ás aulas de teatro galegas, súmanse de universidades de Cataluña, Navarra, Madrid, Castela e León ou Murcia; a presencia internacional vén da man de compañías de Portugal, Italia e México.
Na cabeza do cartel, o actor Pepe Viyuela con Encerrona e o italiano Leo Bassi co espectáculo Eu, Mussolini, o 2 e 4 de maio respectivamente no Teatro Principal.
Teatro de rúa, teatro de interior, circo contemporáneo, música ou danza teñen cabida na Miteu que contará cun curso de commedia dell’arte, encontros, animacións promocionais e dous nomes propios: o de Xaime Mateo, a quen homenaxea a Mostra tralo seu pasamento, e o do premiado deste ano da Miteu, premio Esmorga: Mohamed Azibou “Moha”, quen colaborou coa Miteu e a Aula de Teatro Universitaria de Ourense como intérprete, actor e potenciador dos lazos entre Ourense e Marrocos que levaron á Aula de Teatro da cidade a acudir a mostras en Casablanca ou Tánxer ata en cinco ocasións.
A programación comezará o domingo 1 de maio coa espectáculo do grupo Rosaura da aula universitaria de Ourense, será con A contrapé, proposta que percorrerá as rúas do centro histórico dende as 19.00 horas.
Programación da MITEU 2022 de Ourense
TEATRO UNIVERSITARIO
GRUPO ROSAURA. AULA UNIVERSITARIA DE OURENSE
Domingo 1 – 19.30 – Rúa
GRUPO CORDELIA. AULA UNIVERSITARIA DE OURENSE
Martes 3 – 20.00 – Teatro Principal
TEATRÚBI. COVILHÃ. PORTUGAL
Xoves 5 – 20.00 – Teatro Principal
TEATRO EL MAYAL. LEÓN
Sábado 7 – 20.00 – Teatro Principal
GRUPO DE TEATRO DA UPNA. NAFARROA
Domingo 8 – 19.00 – Teatro Principal
AULA DE TEATRO DA USC. LUGO
Luns 9 – 20.00 – Liceo
AULA DE TEATRO DE VIGO
Martes 10 – 19.00 – Teatro Principal
AULA DE TEATRO DE PONTEVEDRA
Martes 10 – 21.00 – Teatro Principal
AULA DA UNIVERSIDADE DE MURCIA
Mércores 11 – 20.00 – Teatro Principal
AULAS E GRUPOS DE DANZA DE GALICIA. D-OUTRAS DO CAMPUS DE OURENSE
Sábado 14 – 20.00 – Teatro Principal
AULA DE TEATRO DE BURGOS
Domingo 15 – 19.00 – Teatro Principal
GRUPO MARICASTAÑA. AULA UNIVERSITARIA DE OURENSE
Luns 16 – 20.00 – Teatro Principal
TEATRO PROFESIONAL
PEPE VIYUELA. MADRID
Luns 2 – 20.00 – Teatro Principal
LEO BASSI. ITALIA – ESPAÑA
Mércores 3 – 20.00 – Teatro Principal
SARA ALFARO GUERRERO. MÉXICO – GALICIA
Venres 6 – 20.00 e 21.00 – Alameda (palco da música)
CONCERTO: HOMENAXE A XAIME MATEO
Xoves 12 – 23.00 – Café Auriense
COMPAÑÍA DE CIRCO EIA. CATALUNYA
Venres 13 – 20.00 – Rúa
