Este venres 19 de Maio de 2023 celébrase o III Certame Coreográfico Compostela no Teatro Principal de Santiago, promovido e realizado por Can Cun Quinqué, baixo a dirección de Isabel Sánchez Temprano e Leodan Rodríguez Casas, co apoio do Concello de Santiago.
O certame busca potenciar a creación en danza e a proxección estatal e internacional, propoñendo un espazo para o encontro, o diálogo e o desfrute en torno ás artes
do movemento. Así mesmo, está pensado para congregar nun mesmo escenario diversas
propostas que reflictan a diversidade do panorama da danza actual.
Nesta edición foron seleccionadas 6 pezas para ser presentadas na final, que se celebra este venres 19 de maio no Teatro Principal de Compostela, ás 18h., e que estará aberta ao público, que só necesita retirar os seus convites na billeteira do teatro a partir das 16h. de hoxe.
A selección das pezas finalistas é a seguinte
OLLOS CARA ADENTRO – IXA (GALICIA-NAVARRA)
GENZAI – MERAKI CÍA (BARCELONA)
EFECTO RASHOMON – FREQUENSI DC (MADRID)
OUTRORA NÓS – MEVADEUS (GALICIA)
BAILADOR – OSCAR COBOS CÍA (GALICIA)
DEIXIS – CRISTINA MONTERO (GALICIA)
