Sete días de propostas de narración oral. A programación da doceava edición do Encontro Internacional de Contadores de Historias Sete Falares desenvolverase entre o 2 e o 8 de xuño en diferentes lugares de Pontevedra.
O espectáculo inaugural é Tres vellas na romaría, protagonizado por Celso Fernández Sanmartín, Quico Cadaval e Guti, o domingo 2 de xuño ás 20 horas, no Teatro Principal. O de de clausura será unha semana despois, o domingo 8 de xuño, ás 21.00 horas, e reunirá gran parte dos contadoras e contadores dos que o público poderá gozar toda a semana. Estes dous espectáculos teñen as entradas á venda. O resto das contadas serán con entrada de balde e libre ata completar cabida, a excepción das catro quendas da Rota de Historias do día 7, que precisan retirada previa de convite na billeteira do Principal a partir das 20.30h. do propio venres.
Celso Fernández Sanmartín, Quico Cadaval, Guti, Atenea García, Dani Blanco, Cándido Pazó, Rodolfo Castro, Cris de Caldas, Dois dos Montes (Vítor Fernandes e Estefânia Surreira) e Ernesto Abad son os nomes que dan forma ao programa do encontro; e o Teatro Principal, as Ruínas de San Domingos e o CITA serán os escenarios das propostas, aos que se suma por primeira vez o Parador de Pontevedra – Casa do Barón.
Descarga o programa completo do Sete Falares 2024
