Que é o amor? Cadaquén responde a esta pregunta con actos que lle dan forma. A pregunta e o tema semellan desgastados, porén a súa actualización escénica pode anovalos na performance dos corpos e das relacións que institúen.
Ensaio amor de Nuria Sotelo ponnos diante unha concepción do amor baseada na confianza plena e natural que irradia Lena Vilanova, unha bebé de pouco máis dun ano de idade. Lena acompaña á súa nai, Nuria Sotelo, coreógrafa e actriz-bailarina, enriba do palco, e ambas dilúen os roles domésticos e domesticados da nai/filla, da coidadora/coidada, da que sabe e da que debe aprender. Non, aquí Lena Vilanova móvese con liberdade, con ledicia, coa confianza do amor, desde a súa motricidade de bebé, que gatea, que fai sons expresivos inarticulados, que se entretén con pequenos detalles que atopa ao seu paso. Porque Lena Vilanova é puro presentismo, puro xogo aquí e agora: a esencia do teatro.
Lena está conectada con Nuria e viceversa, o mesmo que as catro actuantes, sen necesidade de mirarse continuamente. Forman un equipo. A confianza tende pontes para que todo, no xogo teatral, acade o seu lugar xusto e xermole a beleza. A forma da composición adquire, nesa dinámica amorosa, as proporcións adecuadas para que xurda a beleza e o sentido inmanente da mesma. Forma e contido casan en beleza e sentido, en virtude do amor e das súas proporcións áureas.
A integración da violoncellista Macarena Montesinos, a bailarina Clara Ferrao, Nuria Sotelo e Lena Vilanova é plena, simbiótica. Con momentos para unha maternidade sen impostacións que reborda beleza. Con momentos para a danza que compromete os corpos en xiros, portés, carreiras e desprazamentos na horizontal e na vertical…
O solo de Nuria xogando contorsións no chan, como a criatura que se constrúe e busca erguer. O dúo Nuria-Clara, nesoutro amor sincronía dos corpos que xungue o movemento case acrobático, ás veces con Lena enriba da nai.
Os momentos para retorcer tamén a plasticidade e a sonoridade do violoncello contra o chan ou elevado no ar, ou establecendo paralelismos morfolóxicos cos corpos. A composición coa manta que adquire os contornos figurais dun mamífero abstracto, acompañado do relato mítico do nacemento proferido por Nuria.
As reflexións enunciadas por Clara Ferrao entre a coreografía, sobre a “situación motriz”, a “improvisación” e o “aleatorio”.
Ensaio Amor invístese dunha fonda coherencia dramatúrxica e dunha beleza moi pegada a esa confianza e a esa ledicia animais que tanto humanizan a quen xoga, a quen ama e a quen mira desde a butaca (con amor).
Ensaio amor Dirección: Nuria Sotelo Elenco: Nuria Sotelo, Macarena Montesinos, Clara Ferrao Iluminación: Baltasar Patiño Coprodución: Escenas do Cambio e Festival ALT, coa colaboración de Azala.
Festival Alternativo das Artes Escénicas de Vigo. ALT 16. Auditorio Municipal do Concello, 9 de marzo de 2016.
Parece que capaches a nosa publicidade... Os anuncios da nosa páxina permiten á erregueté manterse activa. Desactiva o Ad Blocker e refresca a páxina para poder desfrutar dos nosos contidos con normalidade.
Para ofrecer mellores experiencias, usamos cookies para gardar ou acceder á información do dispositivo. O teu consentimento permite procesar datos como a navegación. Non consentir pode afectar certas funcións do sitio.
Funcionais Always active
O almacenamento ou acceso técnico é estritamente necesario para o lexítimo propósito de permitir o uso dun servizo específico solicitado expresamente polo abonado ou usuario, ou co único propósito de realizar a transmisión dunha comunicación a través dunha rede de comunicacións electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estatísticas
O almacenamento ou acceso técnico que se utiliza exclusivamente con fins estatísticos.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
O almacenamento ou acceso técnico é necesario para crear perfís de usuario para enviar publicidade, ou para seguir ao usuario nun sitio web ou en varios sitios web con fins de mercadotecnia similares.
