Este sábado, 21 de decembro, ás 20:30, a compañía Kor’sia presentará The Lamb, no Teatro Rosalía de Castro da Coruña, dentro do ciclo TRC Danza.
Con esta frase de Ernesto Sábato “e espertei sobresaltado, como ante un perigo repentino e perverso, como se na escuridade tocase coas miñas mans a pel xeada dun reptil” é que os coreógrafos Mattia Russo e Antonio de Rosa e o dramaturgo Guiseppe Dagostino constrúen The Lamb, unha peza para un elenco de 8 persoas, 3 bailaríns e 5 bailarinas.
Din os autores queThe Lamb parte do acontecemento milagroso da recuperación da vista, para mergullarnos, con todo, nunha experiencia cegadora. Nela, ceo, inferno e purgatorio confúndense entre sí, así mesmo, cun prostíbulo no que corpos flameantes ofician estraños rituais e onde os roles de vítima e verdugo son intercambiables. Neste mundo, para espertar, necesitas pechar os ollos por segunda vez.
Os coreógrafos e bailaríns Antonio de Rosa e Mattia Russo -exbailaríns da Compañía Nacional- e o dramaturgo Giuseppe Dagostino son Kor’sia, un colectivo que inspira as súas creacións con elementos do cine, a fotografía, a literatura e a escultura. A compañía, con sede en Madrid é compañía residente en Centro Danza Canal dende 2017.
