A proposta, impulsada pola Mostra Internacional de Teatro Cómico e Festivo de Cangas – MITCFC, presentouse esta mañá no Concello da vila do Morrazo.
Unha representación de asociacións culturais e educativas de toda Galicia presentaron este luns no Rexistro do Concello de Cangas unha iniciativa para que o auditorio municipal da vila pase a chamarse Auditorio Municipal de Cangas “Xosé Manuel Pazos Varela”. O acto, ao que asistiron representantes dalgunhas das entidades asinantes, está impulsado pola Mostra Internacional de Teatro Cómico e Festivo de Cangas – MITCFC e pola súa directora, María Armesto.
Xosé Manuel Pazos Varela, rexidor de Cangas ata o día do seu pasamento, foi docente, dramaturgo, fundador da compañía Teatro de Ningures, tradutor e adaptador de pezas dramáticas de diversos autores e autoras, e, sobre todo, dinamizador da actividade cultural e teatral do Morrazo. Unha das súas grandes iniciativas foi a construción do Auditorio Municipal de Cangas ao que agora queren nomear co seu nome nunha homenaxe a unha figura relevante da escena galega.
As asociacións e entidades que apoian esta iniciativa son:
- Academia Galega de Teatro.
- Asociación de Actores e Actrices de Galicia – AAAG.
- Asociación Cultural A CEPA.
- Asociación Cultural A PIPA.
- Asociación Cultural BELAS ARTES de Cangas.
- Asociación Cultural CHARAVISCAS.
- Asociación Cultural ENTREBAMBALINAS – REVISTA GALEGA DE TEATRO.
- Asociación Cultural Folclórica TROMENTELO.
- Asociación Cultural LEMBRANZAS DA RÍA.
- Asociación Cultural PEIS D’HOS.
- Asociación Cultural XIRIA.
- Asociación Coral LESTONNAC.
- Asociación de Diagnosticadas de Cancro de Mama e Xinecolóxico -ADICAM.
- Asociación DOA de Saúde Mental.
- Asociación Galega de Dramaturxia – DRAMATURGA.
- Asociación Galega de Empresas de Artes Escénicas – ESCENA GALEGA.
- Asociación JUAN XXIII.
- Asociación MULLERES DO HIO.
- Asociación MULLERES DE MOAÑA.
- Asociación Nais e Pais do Conservatorio e da Escola de Música de Cangas.
- Asociación Pais e Nais de Persoas con Discapacidade do Morrazo- ASPANSIM.
- Asociación XUBILADOS SANTIAGO.
- Fundación Casa Museo “A MANGALLONA”.
- Grupo de Danzas PAIS DE SAN ROQUE.
- Grupo de investigación lingüística e literaria galega – ILLA da Facultade de Filoloxía da Universidade da Coruña.
- Teatro de Ningures.
