Actualidade, Certames

O Certame de Nova Dramaturxia Galega Actual amplia o prazo de presentación de textos

Nova Dramaturxia Galega Actual

PUBLICIDADE

A terceira edición do certame, convocado pola compañía Feira do Leste, recibirá orixinais ata o vindeiro 1 de xuño. O premio consta da edición impresa da obra gañadora.

A compañía viguesa Feira do Leste organiza o Certame de Nova Dramaturxia Galega Actual que recibirá obras teatrais ata o 1 de xuño na web www.novadramaturxia.feiradoleste.com. Un proxecto que procura dar maior visibilidade á dramaturxia galega a través da edición e publicación da peza gañadora nun volume con obras doutros e doutras autoras.

Segundo a compañía, a aparición de novas e novos dramaturgos, con ampla formación e con linguaxes innovadoras para a escena galego, está a consolidar unha nova xeración de autoras e autores recoñecidos dentro e fóra de Galicia, que deben enfrontar graves eivas no eido da publicación e difusión da súas creacións.

Na pasada edición, a obra Ofelia ou o cabeiro da cóbrega de Fernando Castro Paredes resultou gañadora. Anteriormente, o xornalista Miguel Sande acadou o premio con A enterradora (blogue). Ambas obras están publicadas por Á Feira Edicións, selo creado por Feira do Leste para a publicación de novas dramaturxias.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!