Juan Mayorga

Juan Mayorga: “Nos últimos tempos redescubrimos o teatro como o espazo no que podernos escoitar”

Falamos con Juan Mayorga, un dos dramaturgos máis representados, traducidos, estudados e premiados da nosa época. Autor, entre outras pezas, de Cartas de amor a Stalin, El cartógrafo, Himmelweg, El jardín quemado, Animales nocturnos, La lengua en pedazos, Hamelin ou La paz perpetua, o teatro de Mayorga fai dialogar o pasado co presente, o individuo coa súa sociedade e a moral coa barbarie.

Fernando Jorge Lopes

Fernando Jorge Lopes: “Os problemas na cultura em Portugal não resultam do surto epidémico”

Falamos con Fernando Jorge Lopes, actor, director artístico e membro fundador de Teatro Extremo. Esta compañía nacida na cidade de Almada en 1994 dirixe os seus espectáculos ás novas xeracións e á familia baixo as coordenadas dun humor crítico e reflexivo. Como compañía residente garante desde 2015 a programación do Teatro-Estúdio António Assunção e é responsábel de Sementes-Mostra Internacional de Artes para o Pequeno Público.

Premi Born

Convocado o XLVI Premi Born de Teatro

As pezas presentadas ao Premi Born deben ser inéditas e estar escritas en calquera das dúas linguas oficiais das Illas Baleares. A dotación manténse en 14000 euros, ademais da edición do texto nas catro linguas oficiais do Estado.  En galego, a erregueté | Revista Galega de Teatro vén traducindo e publicando as pezas gañadoras do Born desde hai anos. A última, Os satélites de Ricardo Gázquez, con tradución da poeta Tamara Andrés, publicada no número 100 da revista. 

Oficios do teatro: Salvador Forján

Salvador Forján: “Eu sei moito de teatro, os actores e directores tamén, pero non permito que ninguén asoballe a ningún compañeiro nin a min”

Oficios do Teatro é a nova sección audiovisual da erregueté | Revista Galega de Teatro coa que queremos salientar o traballo das e dos profesionais da escena galega. Fran Peleteiro, o seu coordinador, recupera esta entrevista inédita de 2017 realizada a Salvador Forján, encargado de maquinaria escénica da AGADIC e técnico residente no Salón Teatro do CDG.

Ímoste botar moito de menos, Pazos!

Ímoste botar moito de menos, Pazos!

Non me gusta nada escribir obituarios, acho que ás persoas hai que quererlles de vivas e que debemos homenaxearnos todo canto poidamos mentres esteamos vivos. Penso que Xosé Manuel Pazos tamén era así, un home de moito traballar, pero tamén de moito desfrutar. Estar con el era, en certo sentido, incluso nunha reunión de traballo, unha festa. Porque era un tipo divertido, sen poses nin engolamentos.

Ana Abad de Larriva

Ana Abad de Larriva gaña o primeiro Certame de Microteatro da Memoria

Entre as 22 obras presentadas a concurso resultou gañadora “Un biolo na noite”, peza de Ana Abad de Larriva sobre a rede de apoio e afectos das mulleres galegas na guerra e na posguerra. O xurado destacou “o artellamento espacial execelente, vencellando as atmosferas do monte e da natureza coa intriga dramatúrxica e a historia dos personaxes a través dun diálogo áxil e profundo”. Así tamén, a acta destaca a poética da autora no desenvolvemento da temática e “o emprego dos recursos teatrais que están fiados cun tratamento lingüístico excelente”.

Subscríbete á Erregueté en papel

A erregueté chega ao seu número 100

A pesar das dificultades destes tempos incertos, a erregueté | Revista Galega de Teatro non detivo a súa actividade, querendo manter o seu compromiso á hora non só de documentar o feito escénico senón tamén de ofrecer un espazo para o achegamento ás (e entre) creadoras e creadores e o seu traballo, e para a reflexión arredor de onde vimos, onde estamos e a onde podemos e queremos ir, tanto na escena galega como tamén neste medio de (encontro e) comunicación arredor dela.