O Premio PLATTA de Teatro Breve vén convocar a súa cuarta edición. Este certame nace á beira das actividades que se desenvolven na Plataforma Transfronteiriza de Teatro Amador, formada pola FETACyL, Teatro do Noroeste-Centro Dramático de Viana/TEIA-Teatro em Iniciativa Associativa, FEGATEA e a erregueté, co obxectivo de estimular a escrita de textos teatrais e promover a súa publicación e tradución, así como a súa difusión dentro do contexto do teatro amador.
As obras serán de temática libre e terán unha extensión de 5 a 10 páxinas. Poderán presentarse nos tres idiomas da PLATTA (portugués, galego ou castelán). O período de admisión de orixinais remata o 25 de agosto de 2023 e darase a coñecer o gañador ou gañadora nun prazo de 10 días hábiles a contar desde a data de peche.
O texto gañador será publicado nas tres linguas (castelán, galego e portugués) dentro da colección PLATTA da erregueté, e realizarase tamén unha lectura dramatizada nos tres idiomas no Festival Transfronteirizo de Teatro Amador que se realizará entre os días 20 e 22 de novembro no Teatro Sá Miranda de Viana do Castelo.
Bases completas do IV Premio Platta Teatro Breve 2023
A única publicación periódica que ten como obxecto as artes escénicas galegas dende 1983.
- O Salón Teatro acolle o espectáculo ‘José Afonso, ao vivo nos Coliseus, 1983’ - 16/12/2025
- O Eu.Experimento do Camões CCP en Vigo homenaxea á súa actriz Ana Sousa, recentemente falecida - 16/12/2025
- O Colectivo D’elas é galardoado co Premio do Público no 39 Certame Coreográfico de Madrid - 07/12/2025
