in

A erregueté recibe o Premio da Crítica de Galicia 2021 polo número 100 da publicación

Erregueté Premio da Crítica

O Premio da Crítica de Galicia na modalidade de Artes Escénicas recaeu este ano na | Revista Galega de Teatro. Trátase dun galardón outorgado á edición do número 100 da publicación, que supuxo un fito importante na historia da revista.

O xurado destacou a dificultade na elección do premio e a calidade do traballo das finalistas, entre as que estaban Marta Alonso Tejada e a compañía Sarabela.

Durante a gala, celebrada hoxe no Centro Social AFundación de Vigo, o director da erregueté, Afonso Becerra, agradeceu o premio en nome de todos os membros da revista e destacou a publicación como “unha peza fundamental da nosa cultura”. “Non hai idioma abondo para recoñecérmonos, por iso necesitamos a danza, a música, o teatro e o circo. A memoria da danza, do teatro e do circo está recollida aquí: na erregueté“, subliñou.

PUBLICIDADE

Becerra, que convidou a xente a susbcribirse, recoñeceu o compromiso da revista coas nosas artes escénicas a través de iniciativas como a próxima publicación da colección de textos dramáticos en formato libro. Así mesmo, a erregueté quere agradecer especialmente o traballo de e polo seu traballo na edición do número especial galardoado.

Premios con historia

Os convócanse desde 1978, ano en que foron creados polo Círculo Orensán Vigués. En 1992 fíxose cargo deles a Fundación Premios da Crítica Galicia. Concédense en varias modalidades: creación literaria, ensaio e pensamento, investigación, música, artes escénicas…

O xurado na modalidade de artes escénicas desta edición estivo formado por Xavier Castiñeira Blanco, director de escena, docente na ESAD de Galicia e fundador da compañía teatral ButacaZero; Raquel Castro, escritora, profesora e presidenta da Asociación Teatral de Alxén;  Marcelino de Santiago Kukas, artista, dramaturgo, director, escenógrafo e fundador da compañía Os Monicreques, gañador da edición anterior; Iván Fernández, actor, director, dramaturgo e profesor de teatro;  Carmen Méndez, actriz e membro da Directiva da Academia Galega do Audiovisual;  Marta Pérez, actriz, creadora escénica e directora de Inversa Teatro e Malores Villanueva, Secretaría dos Premios da Crítica Galicia.

PUBLICIDADE

Os 100 números da erregueté

A revista, que celebra o vindeiro ano o seu 39 aniversario, publicou durante o ano 2020 a edición especial do número 100, un fito de relevancia para a historia da publicación nun ano onde a pandemia paralizou o mundo e as artes escénicas.

Esta publicación especial inclúe unha panorámica da evolución da publicación nas últimas décadas, así como o seu diálogo co panorama escénico dos últimos tempos. No editorial que abre a revista, a directora da publicación ata 2020, Vanesa Sotelo, sinala que a través do número 100 é posible viaxar na nosa historia e pasar da década de 1920 co teatro do Grupo Nós a proxectar o horizonte teatral de 2030.

O número 100 da erregueté tamén presenta un amplo abano de conversas entre creadoras, así como un nutrido conxunto de artigos que abordan desde a cuestión do teatro para a infancia ao teatro de monicreques, pasando polo estado da crítica teatral e a importancia de contar cun plan das artes escénicas en Galicia.

Ademais, no volume premiado, que conta na portada cunha ilustración do pintor galego Antón Pulido, deseñada exclusivamente para a revista, inclúense dous novos textos de creación, que se suman á colección de Dramaturxia Contemporánea da erreguetéOs Satélite, de Ricard Gázquez, obra gañadora do XLIV Premi Born de Teatre, na tradución de Tamara Andrés; e Materna, de Xesús Pisón.

 

Queres o número 100 da erregueté? Podes adquirir esta edición especial na Libraría Abrente.

PUBLICIDADE
PUBLICIDADE
NULL string(80) "SHORTCODE: [gallery mace_type="lightbox" mace_title="Your gallery title" ids=" ]"
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Imaxe promocional coproducion Relato para un incendio

    A compañía A Antena vai coproducir co CDG ‘Relato para un incendio’, de Ernesto Is

    FIOT 30 Cigarreiras © Vanessa Rábade

    ‘Cigarreiras’, de Contraproducións, gaña o Premio do Público da 30ª edición do FIOT