O Auditorio Municipal de Rianxo acollerá hoxe, venres 17 de outubro, ás 21:00 horas, a estrea d’Os dous de sempre, a posta en escena feita por Mofa e Befa a partir da novela homónima de Castelao. A entrada será de balde ata completar a capacidade do espazo, previa recollida de convites no mesmo auditorio hoxe a partir das 20:00 horas.
A xira
Mañá, sábado 18, comezará a xira do espectáculo cunha función nos XXXVIII Circuítos Teatrais Celso Parada do Concello de Moaña. A representación será no IES As Barxas, a partir das 21:00 horas, e as entradas están á venda na web do Concello. Despois están xa confirmadas as datas que levarán a peza a Arteixo (24 de outubro), a Ourense (no marco do FITO, o 25 de outubro), Sada (26 de outubro), Bertamiráns (31 de outubro), Vigo (na Sala Ártika, o 1 e 2 de novembro, en funcións xerais; e o 4 e 5 de novembro, en funcións para centros de ensino), Narón (29 de novembro), Padrón (6 de decembro) e Lugo (11 de decembro).
A única publicación periódica que ten como obxecto as artes escénicas galegas dende 1983.
